Ingvar Eggert Sigurðsson

Úr Wikipediu, frjálsa alfræðiritinu
Stökkva á: flakk, leita
Ingvar Eggert Sigurðsson
Fæðingarnafn Ingvar Eggert Sigurðsson
Fædd(ur) 22. nóvember 1963 (1963-11-22) (50 ára)
Fáni Íslands Reykjavík, Ísland
Ár virk(ur) 1990 - nú
Börn Snæfríður Ingvarsdóttir
Áslákur Ingvarsson
Helstu hlutverk
Grjóni
í Djöflaeyjan (1996)
Óli
í Sporlaust (1998)
Páll
í Englar alheimsins (2000)
Grímur eldri
í Kaldaljós (2004)
Erlendur
í Mýrin (2006)
Edduverðlaun
Leikari/leikkona ársins í aðalhlutverki
2006 Mýrin
2004 Kaldaljós
Leikari ársins í aðalhlutverki
2000 Englar alheimsins
Leikari ársins
1998 Slurpinn & Co.

Ingvar Eggert Sigurðsson (f. 22. nóvember 1963), oft nefndur Ingvar E. Sigurðsson, er íslenskur leikari og edduverðlaunahafi. Hann hefur leikið í leikhúsi, útvarpi, sjónvarpi og kvikmyndum. Hann hefur einnig starfað sem handritshöfundur og kvikmyndaframleiðandi.

Ævi[breyta]

Ingvar fæddist 22. nóvember 1963 í Reykjavík. Árið 1990 útskrifaðist hann úr Leiklistarskóla Íslands. Ári síðar var hann ráðinn til Þjóðleikhússins þar sem hann hefur farið með fjölda hlutverka.[1]

Ferill[breyta]

Ferill í leikritum[breyta]

Hlutverk sem Ingvar hefur leikið í Þjóðleikhúsinu eru: Pétur Gaut í Pétur Gautur, Vitju í Kæra Jelena, Tíbalt í Rómeó og Júlíu, Ingimund í Elínu Helgu Guðríði, Scullery í Stræti, Svenna í Kjaftagangi, drenginn í Stund gaupunnar, Leonardó í Blóðbrullaupi, Ormur Óðinsson í Gauragangi, Fernando Krapp í Sönnum karlmanni, Don Carlos í Don Juan, Ketil í Tröllakirkju, Prófstein í Sem yður þóknast, Sergé í Listaverkinu, Túzenbach barón í Þremur systrum og Kládíus konungur í Hamlet.

Ferill í kvikmyndum[breyta]

Ár Kvikmynd/Þáttur Hlutverk Athugasemdir og verðlaun
1990 Sérsveitin laugarnesvegi 25
1992 Ingaló Skúli
1994 Skýjahöllin Pabbi Alla
1995 Í draumi sérhvers manns
1996 Djöflaeyjan Grjóni
Sigla Himinfley Einar
1997 A Legend to Ride Gunnar
Perlur og svín Viktor
Stikkfrí
1998 Slurpinn & Co.
Incest
Sporlaust Óli
Áramótaskaupið 1998
1999 Áramótaskaupið 1999
2000 Englar alheimsins Páll
2001 Villiljós Sölvi
Skrímsli Dr. Svendsen
Áramótaskaupið 2001
2002 Fálkar Lögregla
K-19: The Widowmaker Gorelov
2003 Second Nature Franz
Stormy Weather Gunnar
2004 Njálssaga Njáll
Kaldaljós Eldri Grímur
2005 Bjólfskviða Grendel
2006 Mýrin Erlendur
Áramótaskaupið 2006
Börn Framleiðandi
2007 Foreldrar Óskar Sveinn, framleiðandi og handritshöfundur
Stóra planið Magnús
2008 Country Wedding Prestur
2008 Reykjavík - Rotterdam Steingrímur

Verðlaun og tilnefningar[breyta]

Edduverðlaunin[breyta]

Ingvar hefur hlotið Edduverðlaunin alls fimm sinnum. Fyrst sem leikari ársins árið 1998 fyrir hlutverk sitt í kvikmyndinni Slurpurinn & Co. Árið 2000 hlaut hann aftur verðlaun sem leikari ársins í aðalhlutverki fyrir hlutverk sitt sem Pál í kvikmyndinni Englar alheimsins. Þá hlaut hann verðlaun árið 2004 sem leikari ársins í aðalhlutverki fyrir hlutverk sitt sem Grímur eldri í Kaldaljós. Hann hlaut sömu verðlaun fyrir hlutverk sitt sem Erlendur í kvikmyndinni Mýrin árið 2006. Árið 2007 hlaut hann verðlaunin fyrir leik sinn í myndinni Foreldrar.

Gríman[breyta]

Ingvar hefur hlotið Íslensku leiklistarverðlaunin (Grímuna) tvisvar sinnum. Árið 2006 hlaut hann verðlaunin sem leikari ársins í aukahlutverki fyrir leik sinn í leikritinu Pétur Gautur. Og árið 2011 sem leikari ársins í aðalhlutverki fyrir leik sinn í Íslandsklukkunni

Tilvísanir[breyta]

  1. Ingvar E. Sigurðsson, Leikfélag.is, skoðað 13. júlí 2007

Tengill[breyta]


Verðlaun
Fyrirrennari:
Ný verðlaun
Edduverðlaunin fyrir leikara ársins í aðalhlutverki
1999-2000
Eftirfari:
Jón Gnarr