Hnísa

Úr Wikipediu, frjálsa alfræðiritinu
Stökkva á: flakk, leita
Hnísa
Hnísa
Hnísa
Stærðarsamanburður við meðal mann
Stærðarsamanburður við meðal mann
Ástand stofns
Vísindaleg flokkun
Ríki: DýraríkiAnimalia
Fylking: Seildýr Chordata
Flokkur: Spendýr Mammalia
Undirflokkur: Legkökuspendýr Eutheria
Ættbálkur: Hvalir Cetacea
Undirættbálkur: Tannhvalir Odontoceti
Ætt: Phocoenidae Hnísuætt
Ættkvísl: Phocoena Hnísa
Tegund: P. phocoena
Tvínefni
Phocoena phocoena
Linnaeus, 1758
Útbreiðslusvæði hnísu
Útbreiðslusvæði hnísu

Hnísa, einnig nefnd selhnísa, (fræðiheiti: Phocoena phocoena) er sjávarspendýr af ætt tannhvala eins og höfrungar.

Lýsing[breyta]

Hnísan er minnsti tannhvalurinn við Ísland. Fullvaxin karldýr eru tæpir tveir metrar á lengd og vega u.þ.b. 70 kg.  Kvendýrin eru 1,4-1,9 m löng og vega 55-70 kg. Hnísan er dökkgrá að ofan, ljósari á síðum og hvít á kviði.  Dökkar rákir eru milli bægsla og munnvika.  Bakugginn er lágur, ávalur og afturhallandi.  Tennurnar eru 40-60 í hvorum skolti. Hnísurnar geta orðið um 30 ár gamlar.   

Fæða[breyta]

Helsta fæða hnísu eru ýmsir smáfiskar, síli, loðna og síld. Hnísur kafa ekki eins djúpt og aðrar tegundir og er köfunartími um 2-6 mínútur. Þær synda hægt og liggja oft hreyfingalausar í yfirborði í langan tíma.Talsvert er um það að hnísur festist í fiskinetum einkum hrognkelsanetum og drepist.

Fjöldi og dreifing[breyta]

Hnísa er minnsta hvalategundin hér við Ísland en er afar algeng. Stofninn við landið er líklega um 25–27 þúsund dýr. Hnísur eru hópdýr þó svo að stundum megi rekast á stök dýr. Hnísur er helst að finna inni á fjörðum og flóum enda veiða þær við botninn á fremur grunnu vatni. Hnísan heldur sig aðallega í Norðurhöfum, Atlantshafi og Kyrrahafi.  Kvendýr verða kynþroska 3-4 ára og fæða venjulega einn kálf á ári.  Meðgöngutíminn er 10-11 mánuðir.  Karldýrin verða kynþroska nokkru eldri.  Hnísan var áður veidd við Ísland einkum úti af Breiðafirði og Vestfjörðum en í dag eru einungis nýtt dýr sem fyrir slysni festast í netum. 

Tenglar[breyta]

erlendir

Wikimedia Commons er með margmiðlunarefni sem tengist