Hljómar

Úr Wikipediu, frjálsa alfræðiritinu
Hljómar
FæðingHljómar
UppruniKeflavík, Íslandi
Ár1963 - 1969
Stefnurrokk
ÚtgefandiSG Hljómplötur
SamvinnaTrúbrot
MeðlimirRúnar Júlíusson

Gunnar Þórðarson
Erlingur Björnsson
Engilbert Jensen
Shady Owens
Gunnar Jökull Hákonarson
Björgvin Halldórsson
Birgir Hranfsson

Pétur Östlund

Hljómar voru rokkhljómsveit af Suðurnesjunum, stofnuð 5. október árið 1963 [1] og starfaði í sex ár, eða til ársins 1969. Hljómar voru ein vinsælasta hljómsveit Íslands á ofanverðri 20. öld, og með henni hóf bítlamenningin innreið sína á Íslandi fyrir alvöru.

Hljómsveitin Hljómar var stofnuð af yngstu meðlimum hljómsveitar Guðmundar Ingólfssonar, Gunnari Þórðarsyni gítarleikara, Einari Júlíussyni söngvara og Erlingi Björnssyni gítarleikara. Þeir fengu til liðs við sig trommarann Eggert Kristinsson og Rúnar Júlíusson sem lék á bassa. Hljómsveitin lék fyrst í Krossinum í Ytri-Njarðvík en sló í gegn á landsvísu eftir tónleika í Háskólabíói 4. mars 1964. Hljómar voru fyrsta íslenska bítlahljómsveitin sem náði almennum vinsældum. Hljómsveitin starfaði með nokkrum mannabreytingum til 1969 þegar hún leystist upp. Nokkrir meðlimir hennar tóku þátt í stofnun Trúbrots 1969.

Hljómar léku árið 1966 í kvikmyndinni Umbarumbamba, sem hét Sveitaball á íslensku. Gefin var út samnefnd plata [2] í Bretlandi með Thor´s Hammer, en svo nefndu Hljómar sig utan landsteinanna. [3] [4] Plata þessi varð síðar mjög eftirsótt af söfnurum. [5]

Tilvísanir[breyta | breyta frumkóða]

  1. Alþýðublaðið 1968
  2. Mynd af umslaginu; af discogs.com
  3. Alþýðublaðið 1966
  4. Thor´s Hammer; af tonlist.is
  5. Morgunblaðið 2004

Tenglar[breyta | breyta frumkóða]

  Þessi grein er stubbur. Þú getur hjálpað til með því að bæta við greinina.