Hitaeining

Úr Wikipediu, frjálsa alfræðiritinu
Stökkva á: flakk, leita

Hitaeining eða kaloría er orkueining notuð á tvöfaldan hátt:

  • ein hitaeining (tákn: cal) á við orkumagnið sem þarf til að hita eitt gramm af vatni upp um eina gráðu á selsíus[1]
  • ein kílokaloría (tákn: Cal, kcal) á við orkumagnið sem þarf til að hita eitt kílógramm af vatni upp um eina gráðu á selsíus. Ein kílókaloría jafngildir eitt þúsund hitaeiningum.

Þó að báðar þessar einingar séu tilgreindar í metrakerfinu hefur júlið leyst hitaeiningunni af hólmi samkvæmt Alþjóðlega einingakerfinu. Ein hitaeining jafngildir um það bil 4,2 júlum (þannig jafngildir ein kílókalória 4,2 kílójúlum).

Þrátt fyrir að hitaeiningin sé ekki lengur opinber mælieining samkvæmt Alþjóðlega einingakerfinu er hún mikið notuð í daglegu lífi til að mæla orkugildi matvæla. Franski eðlisfræðingurinn Nicolas Clément var sá sem skilgreindi hitaeininguna í fyrsta sinn árið 1824. Orðið „kaloría“ á rætur að rekja til latneska orðsins calor, sem þýðir „hiti“.

Heimild[breyta]

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.