Helgi Hálfdanarson (þýðandi)

Helgi Hálfdanarson (14. ágúst 1911 – 20. janúar 2009) var menntaður lyfjafræðingur og var lyfsali á Húsavík og í Reykjavík. Hann var helsti þýðandi Íslendinga á 20. öld og þýddi meðfram vinnu sinni öll leikrit William Shakespeare, gríska harmleiki eftir Æskýlos, Sófókles og Evripídes, Pétur Gaut eftir Henrik Ibsen og mörg önnur þekkt leikrit í bundnu máli. Hann þýddi einnig Kóraninn og mikið af ljóðum frá Japan og Kína og töluvert frá Evrópu og víðar. Helgi skrifaði auk þess mikið um íslensk fræði og pistla í dagblöð og á mörg velheppnuð nýyrði í íslensku eins og t.d. „heilkenni“ (syndrome).

Helgi Hálfdanarson var sonur séra Hálfdanar Guðjónssonar á Sauðárkróki en Guðjón, faðir hans, var bróðir Helga Hálfdanarsonar sálmaskálds.

Helgi fékk Silfurhestinn, bókmenntaverðlaun dagblaðanna, árið 1970 fyrir þýðingar sínar á William Shakespeare. Hann hafnaði þó verðlaununum á þeirri forsendu að hann hafði þá reglu að þiggja aldrei neina viðurkenningu af neinu tagi.

Tenglar

• Fræðaþulurinn Helgi Hálfdanarson; grein í Lesbók Morgunblaðsins 2002
• Veraldarspegill sígildra ljóða; grein í Alþýðublaðinu 1953

Greinar eftir Helga

• Sokkrokkismi; grein í Morgunblaðinu 1972
• Mál og skóli; grein í Morgunblaðinu 1974
• Þið, um þér, frá vor, til oss; grein í Morgunblaðinu 1980
• Ómál og íslenzk tunga; grein í Morgunblaðinu 1980
• Reglingur og viðingar; grein í Morgunblaðinu 1980
• Skrifa, skrifa skrifa; grein í Morgunblaðinu 1982
• Í bakkafullan læk; grein í Morgunblaðinu 1984
• Lítið eitt um orðabækur; grein í Lesbók Morgunblaðsins 1992

  Þetta æviágrip er stubbur. Þú getur hjálpað til með því að bæta við greinina.