Helgi Hálfdánarson, þýðandi
Úr Wikipediu, frjálsa alfræðiritinu
Helgi Hálfdanarson (f.14. ágúst 1911) er menntaður lyfjafræðingur og var lyfsali á Húsavík. Hann er helsti þýðandi Íslendinga á 20. öld og hefur meðfram vinnu sinni þýtt öll leikrit William Shakespeare, gríska harmleiki eftir Æskýlos, Sófókles og Evripídes, Pétur Gaut eftir Henrik Ibsen og mörg önnur þekkt leikrit í bundnu máli. Hann hefur einnig þýtt Kóraninn og mikið af ljóðum frá Japan og Kína og töluvert frá Evrópu og víðar. Helgi hefur auk þess skrifað mikið um íslensk fræði og pistla í dagblöð og á mörg velheppnuð nýyrði í íslensku eins og t.d. „heilkenni“ (syndrome).
