Helgafell (Hafnarfirði)

Hnit: 64°00′39″N 21°51′00″V / 64.01083°N 21.85000°V / 64.01083; -21.85000
Úr Wikipediu, frjálsa alfræðiritinu

64°00′39″N 21°51′00″V / 64.01083°N 21.85000°V / 64.01083; -21.85000

Helgafell
Helgafell
Helgafell
Hæð 338 metrar yfir sjávarmáli
Staðsetning Ofan Hafnarfjarðar
Fjallgarður Enginn
Helgafell frá Heiðmörk.

Helgafell er 338 metra hár móbergsstapi suðaustur af Hafnarfirði. Fjallið myndaðist við gos undir jökli seint á ísöld. Efst uppi á fjallinu er varða, sem er í raun berggangur sem grjóti hefur verið hlaðið í kringum. Í suðaustri er klettadrangur í fjallinu, sem heitir Riddari. Þaðan er fær gönguleið niður af fjallinu og liggur hún í gegnum stóran steinboga.

Nafn fjallsins kann að vera komið til vegna einhvers konar helgi á fjallinu til forna en einnig gæti það verið skylt mannsnafninu Helgi.

Fjallið er vinsælt meðal Hafnfirðinga og annarra íbúa á höfuðborgarsvæðinu og er tiltölulega auðvelt uppgöngu. Greinileg slóð liggur að fjallinu frá Kaldárbotnum, þaðan sem flestir hefja för sína. Gengið er með sléttu helluhrauni upp að norðausturhlíð fjallsins, þar sem einfaldast er að hefja gönguna. Þaðan er gengið eftir troðinni slóð sem liggur upp með fjallshlíðinni. Fyrst er gengið upp gróna brekku en síðan eftir móbergsfláum þar til komið er upp á topp fjallsins.

Útsýnið af toppnum er gott, þó að fjallið sé ekki mjög hátt. Þaðan sést vel yfir höfuðborgarsvæðið og Reykjanesskaga.

Best er að fara sömu leið niður, því fjallið er bæði bratt og klettótt. Þó er hægt að fara ýmsar aðrar leiðir, bæði upp og niður.

Nálægir staðir[breyta | breyta frumkóða]

Heimildir[breyta | breyta frumkóða]

  • Ari Trausti Guðmundsson og Pétur Þorleifsson (2009). Íslensk fjöll: Gönguleiðir á 151 tind. Mál og menning. ISBN 9979324937.
  • „Ferlir.is: Helgafell“. Sótt 8. júlí 2012.
  • „Gönguleiðir.is: Helgafell, Hafnarfirði“. Sótt 8. júlí 2012.