Hannes Þór Halldórsson

Úr Wikipediu, frjálsa alfræðiritinu
Hannes Þór Halldórsson
Upplýsingar
Fullt nafn Hannes Þór Halldórsson
Fæðingardagur 27. apríl 1984 (1984-04-27) (39 ára)
Fæðingarstaður    Reykjavík, Ísland
Hæð 1,94 m
Leikstaða Markmaður
Meistaraflokksferill1
Ár Lið Leikir (mörk)
2002-2004 Leiknir 3 (0)
2005 Afturelding 18 (0)
2006 Stjarnan 18 (0)
2007-2010 Fram 84 (0)
2011-2013 KR 63 (0)
2012 Brann (lán) 1 (0)
2014-2015 Sandnes Ulf 45 (0)
2015-2016 NEC 8 (0)
2016 FK Bodø/Glimt (lán) 14 (0)
2016-2018 Randers FC 65 (0)
2018-2019 Qarabağ FK 4 (0)
2019-2021 Valur 58 (0)
Landsliðsferill
2011-2021 Ísland 77 (0)

1 Leikir með meistaraflokkum og mörk
talið í aðaldeild liðsins.

Hannes með útspark.

Hannes Þór Halldórsson (27. apríl 1984) er fyrrum knattspyrnumarkvörður og kvikmyndargerðarmaður og leikstjóri. Hannes spilaði með A-landsliði Íslands frá 2011 til 2021 og var með liðinu á EM 2016 og HM 2018.

Ferill[breyta | breyta frumkóða]

Ferill á Íslandi[breyta | breyta frumkóða]

Hannes lét með yngri flokkum Leiknis og KR. Hann spilaði með meistaraflokki Aftureldingar í 2. deildinni 2005 svo gekk hann til liðs við Stjörnuna 2006 og spilaði þá í 1. deildinni. Síðar gekk hann í lið við Fram árið 2007 og var þar til ársins 2010.

Hannes gekk til liðs við KR hinn 28. október 2010. Hann var aðalmarkvörður félagsins í þrjú ár. Á þeim tíma varð hann Íslandsmeistari með KR árin 2011 og 2013, og bikarmeistari með félaginu árin 2012 og 2013 þegar KR vann tvöfalt síðara tímabilið.

Ferill erlendis[breyta | breyta frumkóða]

Hannes fór utan árið 2013 og spilaði með Sandnes ULF Í Noregi. Hann var í láni frá NEC Nijmegen í Hollandi til FK Bodø/Glimt, Noregi, fyrri hluta árs 2016 en í júlí gerði hann þriggja ára samning við danska félagið FC Randers [1] Eftir HM í Rússlandi hélt Hannes til aserska liðsins Qarabağ FK.

Endurkoma til Íslands[breyta | breyta frumkóða]

Eftir 6 ár erlendis ákvað Hannes að snúa aftur heim og gerði hann 4 ára samning við Val vorið 2019. [2]

Hannes yfirgaf Val í nóvember 2021. Hann lagði svo hanskana á hilluna í mars 2022.

Landsliðsferill[breyta | breyta frumkóða]

Hannes við að verja víti frá Messi.

Hannes hóf að spila með landsliðinu árið 2011. Hann varði fleiri skot en nokkur annar markmaður í riðlakeppninni í Evrópumótinu í Frakklandi 2016 eða 18 skot.[3]. Hannes varði vítaspyrnu frá Lionel Messi á heimsmeistaramótinu í Rússlandi árið 2018 og var valinn maður leiksins.

Hannes varð leikjahæsti markmaður landsliðsins í mars 2021. [4]

Hann lagði hanskana á hilluna með landsliðinu 2021 og hafði hann þá spilað 77 landsleiki fyrir Ísland.

Kvikmyndagerð[breyta | breyta frumkóða]

Utan knattspyrnu hefur Hannes starfað við kvikmyndagerð og hefur meðal annars gert myndband við framlag Íslands í Eurovision 2012. Hann gerði einnig sjónarpsþáttaröðina Mannasiðir Gillz og fjölda auglýsinga.

Hannes samdi og leikstýrði myndinni Leynilögga (2021).

Tilvísanir[breyta | breyta frumkóða]

  1. Hannes til Randers Rúv, skoðað 15. júlí, 2016.
  2. Hannes genginn í raðir Vals Mbl.is, skoðað 9. apríl, 2019.
  3. Ótrúleg tölfræði um íslenska liðið á EM Rúv, skoðað 1. júlí, 2016.
  4. Hannes orðinn leikjahæsti markvörður Íslands frá upphafi Fótbolti.net, skoðað 26. mars 2021.