Gran Canaria

Úr Wikipediu, frjálsa alfræðiritinu
Stökkva á: flakk, leita

Gran Canaria er spænsk eyja. Hún liggur á hnitunum 28°'N og 15°35'V. Mannfjöldi eyjunnar er 829.597. Hún er næstfjölmennasta eyjan af Kanaríeyjum á eftir Tenerife. Eyjan er í Atlantshafi í um það bil 150 km. fjarlægð frá norðvesturströnd Afríku. Talið er að frumbyggjar Gran Canaria (Canarii eða Guanches) hafi komið til eyjarinnar á árinu 500 fyrir Krist. Eyjan var í fyrstu nefnd Tamarán eða land hinna hugrökku. Eftir yfir 100 ára stríð Evrópulanda um völd á eyjunni, var hún innlimuð í Spánarveldi árið 1483 undir stjórn Ísabellu I. Spánardrottningar. Gran Canaria er kölluð "mini-álfa" vegna fjölbreytilegs loftslags og landslags eyjarinnar, sem heyrir að einum þriðja hluta undir verndarsvæði UNESCO. Þar má finna langar strendur ýmist með gulum sandi eða svörtum og græn svæði og skóga, lítil þorp og litla bæi ásamt stórborginni Las Palmas með um 390.000 íbúa. Helstu ferðaskrifstofur í Evrópu hafa útnefnt eyjuna sem þann ferðamannastað, þar sem loftslag er best í heimi. Loftslag á eyjunni svipar til Íslands að því leyti, að talsverður munur getur verið á veðri eftir staðsetningu á þessari litlu eyju. Eyjan er mjög gróðursæl að norðanverðu, þar sem rignir meira og munur á hitastigi á nóttu og degi, sem og á vetri og sumri, er meiri en að sunnanverðu. Nánast er hægt að draga línu um eyjuna miðja, suðurhluti eyjunna er gróðurlítill nema það, sem ræktað hefur verið. Norðurhlutinn er þakinn trjám og öðrum gróðri en þar er einnig mun meiri ræktun ávaxta og grænmetis. Jafnframt er oft talsverður hitamunur á ofanverðri eyjunni og við ströndina. Að vetri til snjóar stundum í efstu hæðir á meðan ferðamenn busla í sjónum eða liggja í sólbaði á ströndinni.

Tenglar[breyta]


  Þessi landafræðigrein er stubbur. Þú getur hjálpað til með því að bæta við greinina.