Glee

Úr Wikipediu, frjálsa alfræðiritinu
Glee
Merki þáttanna
TegundGaman
Drama
Búið til afRyan Murphy
Brad Falchuk
Ian Brennan
LeikararDianna Agron
Chris Colfer
Jessalyn Gilsig
Jane Lynch
Jayma Mays
Kevin McHale
Lea Michele
Cory Monteith
Matthew Morrison
Amber Riley
Mark Salling
Jenna Ushkowitz
Heather Morris
Mike O'Malley
Naya Rivera
Darren Criss
Harry Shum jr.
Chord Overstreet
Jacob Artist
Melissa Benoist
Blake Jenner
Alex Newell
Becca Tobin
Dot Jones
Höfundur stefsSteve Perry, Jonathan Cain, Neal Schon
TónskáldJames S. Levine
UpprunalandFáni Bandaríkjana Bandaríkin
FrummálEnska
Fjöldi þáttaraða6
Fjöldi þátta121
Framleiðsla
FramleiðandiAlexis Martin Woodall
Michael Novick
Kenneth Silverstein
Roberto Aguirre-Saracasa
StaðsetningHollywood, Kalífórnia
Lengd þáttar42-48 mín.
Útsending
Upprunaleg sjónvarpsstöðFox
Myndframsetning720p (HDTV)
HljóðsetningDolby Surrond 5.1
Sýnt19. maí 200920. mars 2015
Tenglar
Vefsíða
IMDb tengill

Glee er bandarískur söngþáttur sem að er framleiddur og sýndur af Fox. Þátturinn fjallar um sönghópinn „New Directions“ í gagnfræðisskólanum William McKinley High og fylgir öllum meðlimum hópsins og vandamálum þeirra. Í aðalhlutverkum eru Matthew Morrison sem að leikur leikstjóra hópsins og spænskukennarann Will Schuester, Jane Lynch leikur hina illkvittnu Sue Sylvester sem að þjálfar klappstýrurnar í skólanum og hatar sönghópinn. Meðlimar sönghópsins eru ellefu alls og fara Chris Colfer, Dianna Agron, Kevin McHale, Lea Michele, Cory Monteith, Amber Riley, Mark Salling og Jenna Ushkowitz með hlutverk þeirra.

Höfundar þáttanna eru Ryan Murphy, Brad Falchuk og Ian Brennan sem að skrifuðu það upprunalega sem kvikmynd. Prufuþátturinn var sýndur á Foxsjónvarpsstöðinni þann 19. maí árið 2009 og fyrsta serían fór í gang þann 9. september sama ár. Önnur þáttaröðin fór í gang þann 21. september árið 2010 og þriðja serían hefur nú þegar verið pöntuð. Í þáttunum setja persónunar upp söngatriði og höfundar þáttanna reyna að nota blöndu af vinsælum lögum og klassískum söngleikjalögum. Lögin sem að leikarar flytja í þættinum hafa einni verið gefin út á geisladiski og eru líka fáanleg til niðurhals á iTunes. Annars konar varningur hefur verið gefinn út meðal annars Blu-ray og mynddiskar, bókasería, iPad forrit og Wiileikur.

Fyrsta þáttaröðin fékk mikið lof gagnrýnenda og áhorfenda. Vefsíðan Metacritic sem að safnar saman dómum gagnrýnenda og blandar þeim saman til þess að fá meðaltal gaf fyrstu seríunni af Glee 77 prósent út úr hundraði. Glee var tilnefnd til nítjan Emmy verðlauna, fjögurra Golden Globe, sex Satellite verðlauna og fimmtíu og sjö annarra verðlauna. Af þeim tilnefningum unnu þættirnir Golden Globe verðlaunin fyrir bestu gamanseríu og Jane Lynch vann einni Emmy verðlaun sem besta leikkona í aukahlutverki. Önnur þáttaröðin var tilnefnd til margra verðlauna þar á meðal fimm Golden Globe verðlauna þar á meðal verðlaunin fyrir bestu gamanseríu og fyrir besta leik hjá Matthew Morrison, Lea Michele, Jane Lynch og Chris Colfer. Verðlaunaafhendingin mun fara fram í janúar 2011.

Framleiðsla[breyta | breyta frumkóða]

Sköpun[breyta | breyta frumkóða]

Hugmyndin á bak við Glee kom frá Ian Brennan sem að byggði það á reynslu sinni í sönghópi gagnfræðiskólanum Prospect High School. Hann hafði upprunalega hugsað Glee sem kvikmynd og skrifaði fyrsta handritið í ágúst árið 2005. [1] Það var lengi lítill áhugi á handritinu þangað til að vinur Brennans frá Los Angeles sem að var meðlimur sömu líkamsræktarstöðvar og Ryan Murphy, sjónvarpsframleiðanda, og hann gaf honum handritið af Glee. [2] Þá var handritið endurskrifað frá byrjun til enda og innan fimmtán klukkutíma að Murphy hafði fengið handritið var Fox búið að kaupa það. Murphy sagði í viðtali „Það er við hæfi þegar að vinsælasti þáttur stöðvarinnar (American Idol) er söngvaþáttur að gera eitthvað í þá átt“[3] Murphy tók yfir sem framkvæmdastjóri þáttanna ásamt Ian Brennan og Brad Falchuk. Þeir þrír skrifa einnig alla þættina. [4]

Glee á sér stað í smáborginni Lima í Ohio-fylki í Bandaríkjunum.[5] Murphy var sá sem að valdi staðsetninguna út af því að hann kemur líka frá miðvesturríki í Bandaríkjunum og vildi heiðra þann hluta af Bandaríkjunum. Þættirnir eru samt kvikmyndaði í Hollywood-borg í Los Angeles. [6] Glee hefur oft verið borið saman við High School Musical myndirnar en Murphy heldur því fram að hann hafi aldrei séð þær og Glee sé frekar nútímasöngleikur frekar en „þættir þar sem fólk hoppar í söng inn á milli.“[7] Murphy ímyndaði sér Glee sem undankoma frá heiminum út af því að honum fannst allt sem að var í sjónvarpinu á þeim tíma vera vísindaskáldsögur, löggur eða lögfræðingar að hlaupa í hringi. „Þetta er öðruvísi tegund af sjónvarpsefni, það er ekkert í sýningu núna sem að líkist Glee. Það er allt í heiminum svo dimmt núna, þess vegna virkaði Idol af því að það er veruleikaflótti.“ [8] Murphy hefur planað þrjár þáttaraðir af Glee. [9]

Tónlistarval[breyta | breyta frumkóða]

Í hverjum þætti af Glee eru fjölmörg lög flutt af leikörunum sem að eru einhvern veginn flétt saman við söguþráð þáttanna. [10] Ryan Murphy velur öll lögin sem að eru flutt og hann reynir að nota góða blöndu af klassískum söngleikjalögum og poppsmellum. Lagaval er ómissandi í skriftarferlinum og Murphy velur lögin vanalega á sama tíma og að hann velur þema fyrir hvern einasta þátt. [11] Í annarri þáttaröðinni fór Murphy að nota vinsælli lög frekar heldur en gamla smelli til þess að laða að fleiri unglingum. [12]

Murphy sagði í viðtali að það hafði komið honum á óvart hversu margir listamenn felldust á það að leyfa þeim að nota lögin þeirra. „Ég held að þeim hafi litist vel á tón þáttarins. Þátturinn er um bjartsýni, allaveganna megnið af tímanum, og um að endurtúlka gömlu lögin þeirra fyrir nýja áhorfendur.“[13] Fáir listamenn hafa neitað að leyfa Glee að flytja eitthvað af lögunum þeirra meðal annars Bryan Adams og hljómsveitin Coldplay. Í júní árið 2010 skiptu meðlimir Coldplay um skoðun og gáfu framleiðendum þáttanna full rétindi á að nota lögin þeirra. [14] Tónlistarmaðurinn Billy Joel hefur boðið framleiðendum þáttanna að nota lögin hans frítt og margir aðrir listamenn hafa einnig gert hið sama. [15] Nokkrar plötur hafa verið gefnar út með lögunum sem að leikararnir syngja á þáttunum hafa verið gefnar út á bæði hljómplötum og á iTunes. [16]

Hver einasti þáttur kostar um það bil þrjár milljónir bandaríkjadala.[17] Eftir að Murphy hefur valið hvert einasta lag þarf að plana dansatriði og flutning fyrir það og kaupa sviðsskreytingar fyrir atriðin sem að eru oft mjög kostnaðarsöm.[18]

Auglýsingarherferð[breyta | breyta frumkóða]

Á tímabilinu á milli prufuþáttarins og útgáfu annars þáttar Glee fóru aðalleikararnir að ferðast um Bandaríkin til þess að syngja í Hot Topic verslunarmiðstöðunum.[19] Þau fengu einnig að syngja bandaríska þjóðsönginn á stórum hafnaboltaleik árið 2009. [20] Glee var boðið að syngja í skemmtigöngu Macy's á Þakkargjörðinni árið 2009 en útsendingaraðili skrúðgöngunnar NBC sem að er keppinautur Fox höfnuðu tillögunni.[21]

Eftir að fyrstu þáttaröðinni lauk fóru leikararnir í tónleikaferðalag til Phoenix, Chicago, Los Angeles og New York.[22] Matthew Morrison, Lea Michele, Cory Monteith og Chris Colfer hafa öll skrifað undir samning til þess að vera í einum þætti af „The Cleveland Show.“[23]

Jane Lynch, Chris Colfer, Cory Monteith og Amber Riley komu fram á VMA verðlaununum hjá MTV þann 12. september árið 2010.[24] Eftir að Dianna Agron, Cory Monteith og Lea Michele sátu fyrir GQ-blaðið í djörfum myndum þar sem að þær afklæddu sig að hluta til voru þættirnir gagnrýndir af bandarísku foreldrastofnununni „Parents Television Council“ þar sem að forseti stofnunarinnar sagði að leikarannir ættu að vera fyrirmyndir fyrst að þau væru átrúnaðargoð margra unglinga og barna. Hann sagði að þó að engar af myndunum hefðu sýnt nekt þá myndu þær samt senda röng skilaboð til ungra barna um hvernig ætti að klæða sig.[25]

Leikendur og hlutverk[breyta | breyta frumkóða]

Leikarar[breyta | breyta frumkóða]

Murphy fann Matthew Morrison á Broadway

Þegar að Murphy fór að leita að leikurum fyrir Glee vildi hann fyrst og fremst finna leikara sem að færu létt með það að leika á sviði. Í stað þess að halda hefðbundnar áheyrnarprufur fór Murphy á Broadway í leit að fólki þar sem að hann fann Matthew Morrison sem að hafði þá nýlokið að leika í Hairspray, Leu Michele sem að fór með hlutverk í Spring Awakening og Jennu Ushkowitz sem að lék í nýrri upfærslu af The King and I.[26]

Eftir að hafa fundið þessi þrjú hélt Murphy áheyrnarprufur þar sem að leikarar þurftu að sýna fram á dans og sönghæfileikana sína. Chris Colfer hafði enga reynslu þegar að hann fór í prufu fyrir hlutverk Arties en Murphy var svo hrifinn af honum að þegar að Kevin McHale fékk hlutverkið skrifaði hann nýja persónu inn í handritið bara fyrir hann. [27] Leikkonan Jayma Mays söng lagið „Touch-a, Touch-a, Touch-a, Touch Me“ frá „The Rocky Horror Picture Show“, lag sem að hún fékk seinna að syngja á Glee. Cory Monteith sendi upprunalega inn myndband þar sem að hann lék aðeins og var síðan beðinn um að senda inn annað myndband þar sem að hann myndi syngja. Cory söng þá lagið „Can't Fight This Feeling“ eftir REO Speedwagon. Hlutverk Jane Lynchar átti upprunalega bara að vera lítið út af því að hún var í annarri seríu á þeim tíma en sú þáttaröð var stuttu seinna aflýst.[28] Í samningi leikaranna stendur að þeir séu óafturkallanlega bundnir Glee til þess að gera upp að þremur kvikmyndum byggðar á þáttunum. Enn hafa engar myndir verið planaðar. [29]

Cory Monteith fer með hlutverk Finns í Glee

Í Glee eru fimmtán aðalhlutverk. Morrison leikur spænskukennarann Will Schuester sem að verður leikstjóri sönghóps skólans í von um að endurreisa hann. Jane Lynch leikur hina siðspilltu Sue Sylvester, klappstýruþjálfann sem að hatar sönghópinn og alla meðlimina. [30] Jayma Mays fer með hlutverk fer með hlutverk Emmu Pillsbury, nemendaráðgjafa skólans sem að er hrædd við öll óhreinindi og er skotin í Will.[31]

Lea Michele leikur Rachel Berry, hæfileikaríkann nemanda í sönghópnum sem að þráir ekkert heitar heldur en að verða fræg söngkona en er oft strítt af klappstýrum og íþróttafolunum.[32] Cory Monteith leikur Finn Hudson, aðalleikmann ameríska fótboltaliðsins sem að stofnar vinsældum sínum í hættu með því að taka þátt í sönghópnum.[33] Í hópnum eru einnig Mercedes Jones (leikin af Amber Riley) sem að sárnar af því að syngja aukaraddir, Kurt Hummel (leikinn af Chris Colfer) sem að er samkynhneigður tenór, Artie Abrams (leikinn af Kevin McHale) sem að er þverlamaður unglingur sem að dreymir um að geta dansað og Tina Cohen-Chang (leikin af Jennu Ushkowitz) sem að er hálf bandarísk-hálf japönsk unglingsstúlka sem að þykist vera með stama. Mark Salling bættist síðan seinna í hópinn sem Noah Puckerman, besta vin Finns. Dianna Agron fer með hlutverk Quinn Fabray, klappstýru sem að er í sambandi með Finn sem að gerist meðlimur sönghópsins.[34] Heather Morris og Naya Rivera fara með hlutverk Brittany Pierce og Santönu Lopez sem að voru upprunalega bara aukahlutverk en í annarri seríu fengu þær stöðuhækkun og eru núna aðalleikarar.[35]

Þættir[breyta | breyta frumkóða]

Í fyrstu þáttaröð Glee voru 22 þættir.[36] Prufuþátturinn var sýndur þann 19. maí árið 2009 og þáttaröðinn hófst þann 9. september hið sama ár og var sýndur á miðvikudögum til jóla en var síðan færður yfir á fimmtudag.[37] Þann 11. janúar árið 2010 tilkynntu forstjórar Fox að þeir hefðu pantað aðra seríu af Glee. [38] Tökur á næstu seríu hófust í júní 2010.[39] Sýningar á annarri þáttaröðinni hófust þann 21. september, 2010[40] og þættirnir voru sýndir klukkan átta að kvöldi til á þriðjudögum. Fox planaði upprunalega að sýna Glee á miðvikudögum en hætti svo við og sýndu American Idol á þeim tíma í staðinn. [41] Þriðja þáttaröðin var pöntuð af Fox þann 23. maí 2010.

Heimildir[breyta | breyta frumkóða]

  1. Kom fram í grein í Daily Herald þann 17. mars, 2010
  2. http://articles.latimes.com/2009/apr/26/entertainment/ca-glee26
  3. Schneider, Michael (23. júlí, 2009) http://www.variety.com/article/VR1117989408?refCatld=14[óvirkur tengill]
  4. https://archive.today/20120530060518/www.wired.com/geekdad/2009/12/were-all-gleeks-10-questions-with-glee-co-creator-brad-falchuk/
  5. „Geymd eintak“. Afrit af upprunalegu geymt þann 15. júlí 2009. Sótt 15. júlí 2009.
  6. Simpson, Melody (17. mars 2009). http://www.hollywoodthewriteway.com/2009/03/meet-cory-monteith-naya-rivera-of-glee.html Geymt 30 maí 2012 í Archive.today Hollywood the Write Way.
  7. http://www.nytimes.com/2009/05/17/arts/television/17wyat.html?_r=1, New York Times, 15. maí 2009
  8. Schneider, Michael (23. júlí, 2009) http://www.variety.com/article/VR1117989408?refCatld=14[óvirkur tengill]
  9. Herrera, Monica http://www.billboard.com/features/glee-rewrites-the-script-on-tv-music-1004030132.story#/features/glee-rewrites-the-script-on-tv-music-1004030132.story Geymt 3 nóvember 2012 í Wayback Machine, 23. október 2009
  10. Kinon, Christina (19. maí, 2009) http://www.nydailynews.com/entertainment/tv/2009/05/18/2009-05-18_glee_puts_edgy_spin_on_top_40_tunes.html Geymt 15 september 2009 í Wayback Machine
  11. Wyatt, Edward (11. október, 2009) http://www.nytimes.com/2009/10/12/business/media/12glee.html, The New York Times
  12. Donahue, Ann (13. desember, 2010). http://www.reuters.com/article/idUSTRE6BC0LL20101213, Billboard
  13. Kinon, Christina (19. maí, 2009) http://www.nydailynews.com/entertainment/tv/2009/05/18/2009-05-18_glee_puts_edgy_spin_on_top_40_tunes.html Geymt 15 september 2009 í Wayback Machine
  14. 16. júní, 2010, http://www.insideireland.ie/index.cfm/section/news/ext/glee002/category/905 Geymt 30 apríl 2011 í Archive.today, Inside Ireland
  15. Frankel, Daniel (13. janúar, 2009) http://www.variety.com/article/VR1117998492?, Variety
  16. Donahue, Ann (13. desember, 2010). http://www.reuters.com/article/idUSTRE6BC0LL20101213, Billboard
  17. Fernandez, Maria E. (26. apríl, 2009) http://articles.latimes.com/2009/apr/26/entertainment/ca-glee26
  18. Donahue, Ann (13. desember, 2010). http://www.reuters.com/article/idUSTRE6BC0LL20101213, Billboard
  19. http://tv.broadwayworld.com/article/Photo_Flash_The_GLEEK_Tour_Hits_The_Road_20090820, 20. ágúst, 2009
  20. Ghosh, Korbi (16. ágúst, 2009) http://blog.zap2it.com/frominsidethebox/2009/10/glee-cast-to-sing-the-national-anthem-at-the-world-series.html
  21. Starfsfólk TMZ (12. október 2009) http://www.tmz.com/2009/10/12/glee-thanksgiving-parade-nbc-dumped/
  22. Little, Lyneka (2. mars, 2010). http://blogs.wsj.com/speakeasy/2010/03/02/julianne-moore-gets-soapy-glee-tours-holt-halts-hiroshima-book/
  23. Keck, William (7. janúar, 2010) http://www.tvguide.com/keywords/tv-guide-magazine Geymt 27 desember 2010 í Wayback Machine, TvGuide
  24. http://www.tvguide.com/tvshows/glee/296380
  25. Parents Television Council (20. október 2010). http://www.parentstv.org/ptc/news/release/2010/1020.asp Geymt 11 desember 2010 í Wayback Machine
  26. Martin, Denise (26. apríl, 2009) http://www.latimes.com/entertainment/news/la-ca-gleestage26-2009apr26,0,1653470.story, The Los Angeles Times
  27. Martin, Denise (26. apríl, 2009) http://www.latimes.com/entertainment/news/la-ca-gleestage26-2009apr26,0,1653470.story, The Los Angeles Times
  28. Andreeva, Nellie (23. apríl 2009) https://web.archive.org/web/20090427063215/http://www.hollywoodreporter.com/hr/content_display/television/news/e3i360cdd62fc9ca5a8b570d3d12fce11cb The Hollywood Reporter
  29. Tyler, Matt (21. júní 2010) http://thefilmstage.com/2010/06/21/glee-the-movie-coming-soon/ Geymt 2 september 2010 í Wayback Machine, The Film Stage
  30. Itzkoff, David (18. maí 2009).http://artsbeat.blogs.nytimes.com/2009/05/18/jane-lynch-brings-her-inner-mean-girl-to-glee/ The New York Times
  31. Abrams, Natalie (18. maí 2009) http://uk.eonline.com/uberblog/watch_with_kristin/b124391_time_get_happy_with_cast_of_glee.html, E! Online
  32. Wieselman, Jarett (19. maí 2009) http://www.nypost.com/p/blogs/popwrap/item_sbUrfetlC9ck0hU9lqw0eM;jsessionid=13F9459E60D0F065F4ACDBB2E3FA2D6F Geymt 30 maí 2012 í Archive.today, The New York Post
  33. Wieselman, Jarett (19. maí 2009) http://www.nypost.com/p/blogs/popwrap/item_sbUrfetlC9ck0hU9lqw0eM;jsessionid=13F9459E60D0F065F4ACDBB2E3FA2D6F Geymt 30 maí 2012 í Archive.today, The New York Post
  34. Wightman, Catriona (28. apríl 2010). http://www.digitalspy.com/ustv/s57/glee/news/a216983/glee-rivera-morris-to-become-regulars.html, Digital Spy
  35. Wieselman, Jarett (19. maí 2009) http://www.nypost.com/p/blogs/popwrap/item_sbUrfetlC9ck0hU9lqw0eM;jsessionid=13F9459E60D0F065F4ACDBB2E3FA2D6F Geymt 30 maí 2012 í Archive.today, The New York Post
  36. Schneider, Michael (1. desember 2009). http://www.variety.com/article/VR1118012049.html?categoryId=30&cs=1, Variety
  37. Fox Broadcasting Company (5. mars 2009) http://www.foxflash.com/div.php/main/page?aID=1z2z2z268z1z8&ID=4793 Geymt 22 október 2013 í Wayback Machine
  38. Fox Broadcasting Company (24. nóvember 2009).http://www.foxflash.com/div.php/main/page?aID=1z2z1z25z1z8&ID=5454
  39. Abrams, Natalie (11. janúar 2010) http://www.tvguide.com/News/Glee-Picked-Season-1013581.aspx Geymt 14 apríl 2014 í Wayback Machine, TvGuide
  40. Gorman, Bill (13. júlí 2010) http://tvbythenumbers.zap2it.com/2010/07/13/fox-announces-fall-premiere-dates-for-2010-11-season/56923TV[óvirkur tengill] by the Numbers
  41. Rice, Lynette (November 19, 2010) http://insidetv.ew.com/2010/11/19/fox-moves-american-idol-to-wednesdays-and-thursdays/ Geymt 7 febrúar 2012 í Wayback Machine, Entertainment Weekly