Gildishlaðinn texti

Úr Wikipediu, frjálsa alfræðiritinu
Stökkva á: flakk, leita

Gildishlaðinn texti (eða sem minni eining gildishlaðin hugtök eða gildishlaðin orð) er lesmál sem er ekki hlutlægt, heldur mjög litað af einhverju sem býr í orðunum eða viðhorfi höfundar. Gildishlaðin hugtök geta fengið hleðslu sína af viðhorfi höfundar: Svisslendingur sem talar um að í Danmörku sé ekkert landslag, leggur gildi í orðið landslag. Hann vill meina að það sé það sem honum finnst vera landslag (fjöll og dalir til dæmis). Málfræðingur sem talar um málvillu, þegar hann talar um héraðsbundið málfar, leggur eigið gildi í orðið málvillu. Gildishlaðið tungumál hefur oft sterka tilfinningalega hleðslu sem hefur annaðhvort jákvæð eða neikvæð áhrif, sem er stundum handan bókstaflegri merkingu orðanna. Gilidshlaðinn texti er oft notaður til að hafa áhrif á skoðanir og beina þeim í tilætlaða átt. Sumir stjórnmálamenn notfæra sér gildishlaðin orð eða orðasambönd til að ná vissum áhrifum, og forðast þá hlutlausara tungutak, til að beina huga almennings í þá átt sem hann telur ákjósanlega.

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.