Geislavirkir

Úr Wikipediu, frjálsa alfræðiritinu
Stökkva á: flakk, leita
Geislavirkir
Forsíða Geislavirkir
Gerð Breiðskífa
Flytjandi Utangarðsmenn
Gefin út 26. nóvember 1980
Tekin upp 1980
Tónlistarstefna Pönk
Útgáfufyrirtæki Steinar
Upptökustjórn Geoff Calver
Tímaröð
(Ha-Ha-Ha) Rækjureggae
(1980)
Geislavirkir
(1980)
45 rpm
(1981)

Geislavirkir var fyrsta breiðskífa og önnur hljómplata íslensku pönkhljómsveitarinnar Utangarðsmanna. Hún kom út 26. nóvember 1980. Utangarðsmenn höfðu hafið starfsemi í byrjun þessa sama árs en á þeim stutta tíma hafði hljómsveitin farið í tvær hljómleikaferðir um landið, hitað upp fyrir ensku hljómsveitina The Clash á stórtónleikum í Laugardalshöll og gefið út þriggja laga smáskífuna Ha-ha-ha (Rækjureggae) tæpum tveimur mánuðum fyrr. Sumarið áður kom sólóplata Bubba Morthens, Ísbjarnarblús, út. Fyrstu breiðskífu hljómsveitarinnar var því beðið með talsverðri óþreyju.

Platan var tekin upp í Hljóðrita í Hafnarfirði. Upptökustjóri var Geoff Calver og sagt var að upptakan hefði tekið 80 tíma. Meðlimir hljómsveitarinnar léku sjálfir á öll hljóðfæri nema hvað Gunnar Þórðarson lék á orgel í laginu „Kyrrlátt kvöld“. Platan kom út hjá Steinum og er númeruð „Steinar 040“. Plötuumslagið er bláhvít, loftpensluð ljósmynd af hljómsveitinni með reyksvepp eftir kjarnorkusprengingu yfir Reykjavík í bakgrunni. Myndin vísar til textans í fyrsta lagi plötunnar „Hiroshima“.

Viðtökur[breyta]

Platan fékk þegar mjög góða dóma gagnrýnenda og menn greindi á um hvort bæri að telja hana eða Ísbjarnarblús bestu plötu ársins. Í desember komst hún í annað sæti lista yfir söluhæstu plöturnar á Íslandi sem birtur var í Morgunblaðinu.

Afmælisútgáfa[breyta]

25 ára afmælisútgáfa plötunnar var gefin út á geisladiski af Íslenskum tónum árið 2005 með átta aukalögum.

Lög[breyta]

A-hlið[breyta]

  1. „Hiroshima“ – 2:38
  2. „Barnið sefur“ (Bubbi/Utangarðsmenn) – 2:18
  3. „Kyrrlátt kvöld“ (Tolli Morthens/Bubbi) – 3:10
  4. „The Big Print“ (Mick/Utangarðsmenn) – 2:51
  5. „Samband í Berlín“ (Bubbi/Mick) – 3:49
  6. „Tango“ (Bubbi) – 1:37
  7. „It's a Shame“ (Mick) – 2:41

B-hlið[breyta]

  1. „Sigurður er sjómaður“ (Tolli, Húmi Þorbergs/Jónatan Ólafsson) – 1:59
  2. „Viska Einsteins“ (Bubbi) – 2:20
  3. „Blóðið er rautt“ (Bubbi) – 2:32
  4. „Chinese Reggae“ (Mick/Bubbi, Danny) – 2:01
  5. „Temporary Kick/Let's Go“ (Mick) – 3:07
  6. „Ég vil ekki stelpu eins og þig“ (Bubbi/Danny) – 2:18
  7. „Poppstjarnan“ (Bubbi/Mick) – 2:31