Gabbró

Úr Wikipediu, frjálsa alfræðiritinu

Gabbró er veðurþolin og hörð bergtegund. Gabbró er basískt djúpberg, það er ein tegund af storkubergi. Það hefur sömu efnasamsetningu og basaltgler (sem oft ummyndast í móberg), blágrýti og grágrýti en kæling þess við myndun hefur verið hægari. Gabbró er grófkristallað vegna þess að það storknar djúpt í jörðinni og kristallarnir hafa nægan tíma til að vaxa.

Gabbrósteinn úr Hoffelli í Hornafirði er á útveggjum lágbyggingar og súlum hábyggingar húss Seðlabanka Íslands við Sölvhólsgötu.

Nokkur fjöll á Íslandi eru úr gabbró. Þar má nefna Vestrahorn og Eystrahorn. Hornin eru berghleifar, innskot úr djúpbergi sem hefur storknað djúpt í jarðskorpunni.

Gabbró hefur stundum verið kallað horngrýti í hálfkæringi, vegna þess að það finnst við hornin tvö sem áður voru nefnd, Vestrahorn og Eystrahorn.

[breyta] Heimildir

• Vísindavefurinn: „Hver er munurinn á grágrýti og blágrýti?“
• Greinin „Gabbro“ á ensku útgáfu Wikipedia. Sótt 19. febrúar 2006.