Feldspat

Úr Wikipediu, frjálsa alfræðiritinu

Feldspat er nafn á mikilvægum hópi bergmyndandi steinda, sem byggja upp um 60% jarðskorpunnar. Feldspatar kristallast úr kviku í bæði innskotabergi og gosbergi. Þeir koma fyrir sem samfelldar steindir, sem bergæðar og eru einnig til staðar í mörgum gerðum myndbreytts bergs. Berg sem eingöngu er gert úr plagíóklas feldspötum nefnist anorthsít. Feldspatar finnast einnig í mörgum gerðum setbergs.

Feldspötum er skipt í eftirfarandi hópa:

• orþóklas, sem er kalíum-ál-silíkat
• míkróklín, sem er einnig kalíum-ál-silíkat
• plagíóklas, sem er natríum-ál-silíkat til kalsíum-ál-silíkat og samastendur af eftirfarandi einslöguðum kristöllum með ólíka efnasamsetningu:
  • albít
  • ólígóklas
  • andesín
  • labradorít
  • bytownít
  • anortít