Eyþór Arnalds
Eyþór Laxdal Arnalds (24. nóvember 1964[1]) er íslenskur stjórnmálamaður, tónlistarmaður og stjórnandi í viðskiptalífinu. Hann var forstjóri Strokks Energy, Íslandssíma (nú Vodafone), framkvæmdastjóri hjá OZ og Enpocket sem bæði voru keypt af Nokia.
Tónlist[breyta | breyta frumkóða]
Eyþór var í pönkhljómsveitinni Tappi tíkarrass með Björk og fleirum. Síðar stofnaði hann rokk/popp-sveitina Todmobile með Þorvaldi Bjarna Þorvaldssyni og Andreu Gylfadóttur.
Stjórnmál[breyta | breyta frumkóða]
Hann var oddviti Sjálfstæðismanna í Árborg og formaður bæjarráðs frá 2010-2014.
Eyþór var oddviti Sjálfstæðisflokksins í Reykjavík í sveitarstjórnarkosningunum árið 2018. Í kosningunum fékk Sjálfstæðisflokkurinn 30,8 prósent atkvæða, mest allra flokka[2], en tókst þó ekki að mynda meirihluta. Eyþór sat því í minnihluta sem borgarfulltrúi Sjálfstæðisflokksins í Reykjavík kjörtímabilið 2018-2022.
Eyþór hafði hug á að bjóða sig aftur fram í oddvitasæti Sjálfstæðisflokksins í Reykjavík í sveitarstjórnarkosningum árið 2022 en þann 21. desember 2021 lýsti hann því yfir að hann hygðist draga framboð sitt til baka.[3] ´
Viðskipti[breyta | breyta frumkóða]
Eyþór hefur verið stærsti hluteigandinn í Morgunblaðinu frá árinu 2017. Hann keypti hlut sinn í Morgunblaðinu árið 2017 af sjávarútvegsfélaginu Samherja með 225 milljón króna seljendaláni sem félag Samherja veitti honum. Lánið hefur síðan að mestu verið afskrifað.[4][5]
Tilvísanir[breyta | breyta frumkóða]
- ↑ „Dagur í lífi Eyþórs Arnalds“. DV. 26. janúar 2018. Sótt 12. júní 2018.
- ↑ „Úrslit úr stærstu sveitarfélögum“. mbl.is. Sótt 12. júní 2018.
- ↑ „Eyþór Arnalds dregur framboð sitt til baka“. Vísir. 21. desember 2021. Sótt 21. desember 2021.
- ↑ Steindór Grétar Jónsson (23. nóvember 2019). „Fjölskyldufyrirtækið sem teygir sig um allan heim“. Stundin. Sótt 17. desember 2019.
- ↑ „Eyþór segir ólíklegt að eignarhluturinn í Morgunblaðinu færist aftur til Samherja“. Kjarninn. 5. október 2020. Sótt 27. október 2020.