Eimskipafélag Íslands

Úr Wikipediu, frjálsa alfræðiritinu
Stökkva á: flakk, leita
Eimskipafélag Íslands
Eimskip logo.png
Rekstrarform Almenningshlutafélag (OMX: The Nordic Exchange: HFEIM)
Slagorð Óþekkt
Hjáheiti Óþekkt
Stofnað 17. janúar 1914
Staðsetning Korngarðar 2, 104 Reykjavík, Ísland
Lykilmenn Richard Winston Mark d´Abo, stjórnarformaður
Víglundur Þorsteinsson, varaformaður
Helga Melkorka Óttarsdóttir, stjórnarmaður
Hrund Rudolfsdóttir, stjórnarmaður
Lárus L. Blöndal, stjórnarmaður
Starfsemi Flutningaþjónusta
Heildareignir Óþekkt
Tekjur Óþekkt
Hagnaður f. skatta Óþekkt
Hagnaður e. skatta Óþekkt
Eiginfjárhlutfall Óþekkt
Móðurfyrirtæki Óþekkt
Dótturfyrirtæki Óþekkt
Starfsmenn 1.400
Vefsíða www.eimskip.is

Eimskipafélag Íslands er íslenskt skipafélag sem rekur flota flutningaskipa. Félagið var stofnað 17. janúar árið 1914 og er elsta skipafélag á Íslandi. Félagið hefur frá upphafi lagt höfuðáherslu á skipaflutninga til og frá landinu, en í dag býður Eimskip upp á alhliða flutningsþjónustu um allan heim. Eimskip rekur skrifstofur í 19 löndum og hefur umboðsmenn í fjölmörgum löndum að auki. Mjög margir Íslendingar keyptu stofnhluta í félaginu í upphafi, svo það var kallað „óskabarn þjóðarinnar“. Félagið hóf reglulegar siglingar árið 1915 með skipinu Gullfossi, sem kom til landsins 16. apríl 1915. Eimskipafélagið hefur verið kallað Óskabarn þjóðarinnar allt frá stofnun þess.

Markmið Eimskips er að veita viðskiptavinum sínum alhliða flutningaþjónustu sem byggir á áreiðanlegu og skilvirku siglingakerfi á Norður-Atlantshafssvæðinu og frystiflutningsmiðlun um allan heim.

Saga[breyta | breyta frumkóða]

Undirbúningur að stofnun félagsins hófst árið 1912 og mynduð var bráðabirgðastjórn undir forystu Thors Jensens sem hóf undirbúning að hlutabréfasöfnun og kaupum á skipi. Um 15% landsmanna, um 14.000 manns, gerðust stofnfélagar í félaginu auk Vestur-Íslendinga og landsjóðs. Fyrsti formaður stjórnar var Sveinn Björnsson, síðar forseti Íslands. Tvö ný skip voru keypt fyrir félagið; Gullfoss og Goðafoss, bæði smíðuð í Kaupmannahöfn. Árið 1950 var tekið í notkun nýtt farþegaskip, sem einnig hlaut nafnið Gullfoss.

Hlutur Vestur-Íslendinga var árið 1964 lagður í sérstakan sjóð, Háskólasjóð, og því komið þannig fyrir að arður af hlutabréfunum rynni til Háskóla Íslands en stjórn Eimskipafélagsins færi með þau atkvæði sem hlutabréfin fólu í sér. Með þessum hætti, og með þeirri reglu að einungis skyldi kosið um helming stjórnar á hverjum aðalfundi, tókst hópi hluthafa sem áttu minnihluta í Eimskipafélaginu að halda í stjórn þess um áratuga skeið. Um leið var félagið mjög umsvifamikið á íslenskum fyrirtækjamarkaði og tengdist öðrum stórum fyrirtækjum eignaböndum. Eimskipafélagið varð þannig ein af stoðum kolkrabbans svokallaða. Í júlí 2007 tilkynnti Eimskip að það hefði tekið lán að andvirði 20 milljarða íslenskra króna til 5 ára hjá hollenska bankanum ABN Amro. Þetta er stærsta lán Eimskipa í sögu félagsins til og átti að vera nýtt til frekari fjárfestinga.[1]

Tilvísanir[breyta | breyta frumkóða]

Tenglar[breyta | breyta frumkóða]

  Þessi fyrirtækjagrein er stubbur. Þú getur hjálpað til með því að bæta við greinina.