Eþíópíska rétttrúnaðarkirkjan

Úr Wikipediu, frjálsa alfræðiritinu
Stökkva á: flakk, leita
Eþíópískur prestur sýnir helgigöngukrossa

Eþíópíska rétttrúnaðarkirkjan (amharíska: የኢትዮጵያ ኦርቶዶክስ ተዋሕዶ ቤተ ክርስቲያን?, Yäityop'ya ortodoks täwahedo bétäkrestyan) er kristin austræn rétttrúnaðarkirkja. Samkvæmt arfsögn kirkjunnar var hún stofnuð af Filippusi guðspjallamanni á 1. öld. Hún varð ríkiskirkja í Axúm á 4. öld eftir trúboð sýrlenska Grikkjans heilags Frúmentíosar sem varð skipreika á strönd Erítreu. Kirkjan heyrði formlega undir koptísku kirkjuna og Alexandríupáfa til 1959 þegar Kýrilos 6. skipaði henni eigin patríarka. Eþíópíska kirkjan tilheyrir þeirri grein kristni sem hafnaði niðurstöðum kirkjuþingsins í Kalkedón 451 og er því ótengd eþíópísku kaþólsku kirkjunni.

Milli 40 og 45 milljónir manna tilheyra eþíópísku kirkjunni, langflestir í Eþíópíu. Um helmingur íbúa landsins er í kirkjunni, en um 60% íbúa Eþíópíu eru kristnir.

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.