Dzhambúl

Úr Wikipediu, frjálsa alfræðiritinu
Stökkva á: flakk, leita
Frímerki með mynd af Dzhambúl.

Dzhambúl Dzhabajev (oftast skrifað Dsjambúl eða Dsambúl í íslenskum textum) (184622. júní 1945) var hirðingjaskáld í Kasakstan. Hann var í miklum metum í Ráðstjórnarríkjunum í stjórnartíð Stalíns fyrir lofsöngva um einræðisherrann, sem hann var skrifaður fyrir, en talið var, að aðrir hefðu ort. Halldór Kiljan Laxness hitti Dzhambúl á rithöfundaþingi í Tbílísí í Georgíu í árslok 1937 og sneri á íslensku einum lofsöng hans um Stalín og birti í Gerska æfintýrinu (1938). Þar eru línurnar:

Í Stalín rætist draumur fólksins
um gleði og fegurð.
Stalín, elskaði vinur,
þú átt ekki þinn líka;
þú ert skáld jarðarinnar.
Stalín, þú ert söngvari þjóðvísunnar.
Stalín, þú ert hinn voldugi faðir Dzhambúls.

Trúði Laxness því, að Dzhambúl hefði ort kvæðið. Frumflutti hann þýðingu sína við mikinn fögnuð á fundi íslenskra stúdenta í Kaupmannahöfn 11. apríl 1938.

Guðmundur Böðvarsson minnist einnig á Dzhambúl í kvæði, sem hann orti í Alma Ata í boðsferð til Ráðstjórnarríkjanna vorið 1953.

Heimildir[breyta]

  • Arnór Hannibalsson. 1999. Moskvulínan. (Reykjavík: Nýja bókafélagið).
  • Hannes Hólmsteinn Gissurarson. 2004. Kiljan. (Reykjavík: Bókafélagið).
  • Volkov, Solomon. 2004. Testimony: The Memoirs of Dmitri Shostakovich. (Pompton Plains, NJ: Limelight Editions).