Drungarokk

Úr Wikipediu, frjálsa alfræðiritinu
Stökkva á: flakk, leita

Drungarokk, (einnig þekkt sem blakkmetal(l) (enska: black metal)), er ein af undirtegundum þungarokksins og á sér upphaf í Skandinavíu og Bretlandi á níunda áratug 20. aldar. Á níunda áratugnum mynduðu nokkrar bylturokkshljómsveitir frumgerð drungarokksins. Drungarokkið var í raun mótað af tveimur kynslóðum tónlistarmanna sem höfðu hvað mestu áhrif á stefnuna, þegar átt er við drungarokk er því oftast talað um fyrri kynslóðina og svo seinni kynslóðina.

Hljómsveitir sem tilheyrðu fyrri kynslóð drungarokksins voru meðal annars Venom, Hellhammer og Bathory. En þessar hljómsveitir gáfu stefnunni nafn sitt og yfirbragð. Seinni kynslóðin átti sér upptök í noregi á tíunda áratugnum þar sem hljómsveitir á borð við Mayhem, Darkthrone, Burzum, Immortal og Emperor voru vinsælastar meðal vaxandi hóps drungarokks hlustenda. [1]. Seinni kynslóðin steig út úr leikrænni sviðsetningu fyrri kynslóðarinnar og tók ofbeldisfullt skref inn í raunveruleikann. Norska drungarokkið varð nokkurskonar listræn málpípa fyrir hóp ungra manna sem gerðu ofbeldisfulla uppreisn gegn samfélaginu, aðhylltust tilvistarlega heimspeki, róttæka heiðni og réðust gegn abrahamískum trúarbrögðum á norðurlöndum. Hljómsveitin Mayhem ásamt hljósveitnni Burzum og fleiri hljómsveitum áttu þátt í því að skapa hið alræmda orðspor sem fer af tónlistarstefnunni í dag, tónlistarstefnu sem almenningur tengir oftast við „djöfladýrkun”, kirkjubrennur og manndráp. [2] [3]

Saga[breyta]

Þegar átt er við fyrri kynslóð drungarokksins er oftast átt við þær hljómsveitir sem, á 8. áratugnum, höfðu mestu mótunaráhrif á þá stefnu sem í seinni tíð varð að hinu eiginlega drungarokki. Þessar hljómsveitir komu að mestu frá bylturokkinu.

Hugtakið "black metal", sem hlaut viðurnefnið drungarokk á íslensku, var skapað af ensku hljómsveitinni Venom í kjölfar útgáfu seinni hljómplötu þeirra sem bar sama nafn, "Black Metal" árið 1982. Þrátt fyrir að vera álitin meira í líkindum við bylturokk en drungarokk samkvæmt viðmiðum samtímans, þá einkenndust textar og myndmál plötunar meira af hugmyndum um djöfladýrkun og "and-kristni" heldur en nokkur þungarokksplata hafði gert áður. Tónlist þeirra var hröð og hrá í vinnslu og einkenndist af skerandi og rámum röddum. Meðlimir Venom tóku sér einnig upp gælunöfn, það sem átti seinna eftir að verða nokkurskonar einkenni allra þeirra sem voru drungarokkshljómsveitum

Einkenni[breyta]

God Seed Hellfest 2009: Gaahl

Drungarokkshljómsveitir voru mikið á móti því sem taldist vera gæða framleiðsla. Þeir vildu láta allt hljóma hrátt og ódýrt. Þeir eyddu sem minnstum tíma í að stilla hljóðfærin og mjög litlum pening í tæki eins og magnara og upptökutæki. Þetta hugarfar var sérstaklega vinsælt hjá seinni kynslóðinni. Líkt og pönk eru drungarokkstónlistarmenn og hlustendur einnig á móti frægð og vinsældum.[4]

Hljóðfæri og söngur[breyta]

Í drungarokkshljómsveitum er aðallega notast við rafmagnsgítar, bassa, hljómborð og trommur.

Gítarleikarar notast oft við svokallað tremolo picking til að gefa lögunum hræðilega og drungalega tilfinningu.[5]

Trommarar nota mjög mikið af double bass og blast beats.

Bassar spila lítið hlutverk í drungarokkinu og er ekki óalgengt að bassinn spili sömu nótur og gítarinn eða að hljóðið frá gítarnum yfirgnæfi bassann þannig að það heyrist alls ekkert í honum.

Söngurinn einkennist af hátónuðum söng þar sem notast er við svokallað „knurr” eða „urr“ (e. „growl“). Svona hátónað urr er sjaldan notað utan drungarokksins.

Textar og þemu[breyta]

Í drungarokki er mikil áhersla á myrkt og kalt þema og er það það sem textinn gengur oft út á. Drungarokkið hefur oft verið tengt við „djöfladýrkun“ vegna skýrskotana í slíkar athafnir í textum. Frægir drungarokkstónlistarmenn hafa þó fullyrt að þessir textar voru einungis notaðir til ögrunar. Drungarokkstónlistamenn hafa þó oft sett sig upp á móti kristni, sérstaklega í Noregi og hvernig hún hafði traðkað á norrænnum trúarhefðum Noregs.[6]

Drungarokk á íslandi[breyta]

Í kjölfar vinsælda seinni kynslóðar drungarokksins, þá dreifðist stefan hratt um norðurlöndin, þar á meðal til íslands.

Íslenskar drungarokkshljómsveitir[breyta]

Wikimedia Commons er með margmiðlunarefni sem tengist


Tilvísanir[breyta]

Heimildir[breyta]