Dragreipi

Úr Wikipediu, frjálsa alfræðiritinu
Stökkva á: flakk, leita

Dragreip(i) [1] [2] (falur [3] , ráseil [4] , bras [5] eða upphal) er reipi sem notað er til að draga upp segl, fána eða . Á seglskipum er dragreipið yfirleitt skorðað í blökk til að ná meira átaki. Á sumum bátum er seglið dregið upp með tveimur dragreipum sem leika á hjólum (blökkum) í mastrinu, svo kölluðu hærra og lægra hjól. Til forna var húnbora gat á siglutoppi sem dragreip gekk í gegnum.

Þeir menn sem sáu um dragreipið á bátum á öldum áður nefndust dragreipismenn. Dragreipismaður réð hversu hratt var siglt; hækkaði hann og lækkaði seglið eftir því hve mikið báturinn þoldi. Og þegar segltökumenn hryggjuðu inn seglið voru það oft dragreipismaðurinn sem sagði til um sjó og vind. Stundum var dragreipismanni fyrirskipað þannig: Láttu krikta í nafni drottins - en þá átti að gefa dragreipið eftir í hendi og lækka seglið.

Tenglar[breyta]

  1. Orðabók Háskólans
  2. Orðabók Háskólans
  3. Orðabók Háskólans
  4. Orðabók Háskólans
  5. Orðabók Háskólans