Google Chrome

Google Chrome á Microsoft Windows.

Google Chrome er vafri frá Google sem byggir á WebKit-umbrotsvélinni. Fyrsta útgáfan af Google Chrome var betaútgáfa fyrir Microsoft Windows gefin út þann 2. september 2008 og fyrsta stöðuga útgáfa vafrans kom út 11. desember 2008. Samkvæmt W3Counters nota 31,5% Chrome af öllum sem nota vafra, í apríl 2013. Chrome er því vinsælasti vafri heims.. Útgáfur af Chrome fyrir Linux og Mac OS X hafa verið til frá útgáfu 5.0 sem kom út árið 2010 en opinberar betaútgáfur fyrir þessi stýrikerfi komu út 8. desember 2009.

Stærstur hluti af frumkóða Chrome var gefinn út undir frjálsu hugbúnaðarleyfi árið 2008 undir heitinu Chromium og þróaður áfram í opnu ferli.

Vafrinn notar nýtt verklag til að sýsla með vefsíður; til dæmis er hver flipi keyrður í aðskildum ferli. Google Chrome var líka fyrsti vafrinn sem flutti flipastiku upp í titilstiku þegar heilskjáshamur var virkjaður.

Tengt efni

• Flipar í vöfrum

Tenglar

• Google Chrome heimasíðan þar sem hægt er að sækja Google Chrome

  Þessi tölvunarfræðigrein er stubbur. Þú getur hjálpað til með því að bæta við greinina.