Charles Bronson

Úr Wikipediu, frjálsa alfræðiritinu
Stökkva á: flakk, leita
Charles Bronson árið 1987

Charles Bronson (f. Charles Dennis Buchinsky; 3. nóvember 192130. ágúst 2003) var bandarískur leikari sem er aðallega þekktur fyrir leik sinn í vestrum, stríðsmyndum og spennumyndum á borð við Sjö hetjur (The Magnificent Seven – 1960), Flóttinn mikli (The Great Escape – 1963), Tólf ruddar (The Dirty Dozen – 1967) og Einu sinni var í Villta Vestrinu (C'era una volta il West – 1968). Hann lék einnig aðalhlutverkið í kvikmyndaröðinni Auga fyrir auga (Death Wish – 1974 – 1994).

Hann ólst upp sem eitt fimmtán barna örfátækra foreldra af litháískum ættum og lærði fyrst að tala ensku sem táningur. Hann barðist í síðari heimsstyrjöld og fékk áhuga á leiklist eftir stríðið. 1950 flutti hann til Hollywood og hóf að taka að sér lítil hlutverk í kvikmyndum. Fyrsta stóra kvikmyndahlutverk sitt fékk hann í kvikmynd Alan Ladd, Hefnd rauðskinnans (Drum Beat) árið 1954 þar sem hann lék óvinveittan indíána. Sama ár breytti hann eftirnafni sínu úr Buchinsky í Bronson vegna ótta við McCarthy-nefndina.

Wikimedia Commons er með margmiðlunarefni sem tengist
  Þetta æviágrip sem tengist kvikmyndum er stubbur. Þú getur hjálpað til með því að bæta við greinina.