Tjarnastör

Úr Wikipediu, frjálsa alfræðiritinu
(Endurbeint frá Carex rostrata)
Tjarnastör

Vísindaleg flokkun
Ríki: Jurtaríki (Plantae)
Fylking: Dulfrævingar (Angiospermae)
Flokkur: Einkímblöðungar (Monocotyledon)
Ættbálkur: Grasabálkur (Poales)
Ætt: Stararætt (Cyperaceae)
Ættkvísl: Starir (Carex)
Tegund:
C. rostrata

Tvínefni
Carex rostrata
Stokes, 1787

Tjarnastör, ljósastör, ljósalykkja eða mjólkurstör (fræðiheiti: Carex rostrata) er stör sem vex víða í Kanada, norðurhluta Bandaríkjanna og á Íslandi. Hún er stórvaxnasta störin sem vex á Íslandi. Strá hennar er gilt og mjúkt. Blöðin eru blágræn. Karlöx tjarnastararinnar eru tvö eða fleiri, með 2-3 leggi og kvenöxin eru lútandi. Axhlífarnar eru móleitar að lit og hulstrin útsperrt og útblásin. Þau ganga fram í langa, tvítennta trjónu. Tjarnastörin vex í tjörnum, síkjum og mýrum. Hún er algeng um allt Ísland.[1]

Á Íslandi var tjarnastörin slegin til fóðurs og var talin ágætt fóður fyrir mjólkurkýr, enda er hún einnig nefnd mjólkurstör. Mergur tjarnastarar er ætur en hann sést vel ef stráið er slitið af við rót. Blöðin eru mjúk og sveigjanleg og voru því oft notuð í undirsængur, sessur eða sem skóleppar.[2]

Tilvísanir[breyta | breyta frumkóða]

  1. „Flóra Íslands Flóran Blómplöntur“. www.floraislands.is. Sótt 21. apríl 2023.[óvirkur tengill]
  2. Akureyrarbær. „Flóra Íslands“. Lystigarður Akureyrar. Sótt 21. apríl 2023.
Wikilífverur eru með efni sem tengist
  Þessi grasafræðigrein er stubbur. Þú getur hjálpað til með því að bæta við greinina.