BMW

Úr Wikipediu, frjálsa alfræðiritinu
Stökkva á: flakk, leita
Bayerische Motoren Werke (BMW)
BMW.svg
Rekstrarform Hlutafélag
Slagorð Óþekkt
Hjáheiti Óþekkt
Stofnað 1916
Staðsetning Fáni Þýskalands München, Þýskaland
Lykilmenn Norbert Reithofer (forstjóri)[1]
Starfsemi Framleiðandi farartækja
Heildareignir Óþekkt
Tekjur Óþekkt
Hagnaður f. skatta Óþekkt
Hagnaður e. skatta Óþekkt
Eiginfjárhlutfall Óþekkt
Móðurfyrirtæki Óþekkt
Dótturfyrirtæki Rolls-Royce Motor Cars
Starfsmenn 95,450 (2010)[2]
Vefsíða bmw.com

BMW (skammstöfun fyrir Bayerische Motoren Werke AG) er þýskur bílaframleiðandi. Fyrirtækið var stofnað árið 1916. Höfuðstöðvar þess eru í München í Þýskalandi.

Saga fyrirtækisins[breyta]

Upphaflega framleiddi BMW flugvélahreyfla en var fyrirskipað að hætta framleiðslu þeirra eftir fyrri heimsstyrjöldina samkvæmt Versalasamningnum.[3] Árið 1923 tók fyrirtækið að framleiða vélhjól þegar banninu var smátt og smátt aflétt[4] og bifreiðar um 1928-1929.[5][6][7]

Hringlaga vörumerki BMW táknar hreyfingu flugvélahreyfils, hvíta spaða sem kljúfa bláan himininn. Þessa útskýringu kom BMW þó ekki með fyrr en árið 1929, tólf árum eftir hönnun þess.[8] Merkið var þróað út frá merki Rapp Motorenwerke, fyrirtækisins sem BMW óx út frá, en hugmyndin var upprunalega fengin frá fána Bæjaralands.

Þegar hergagnaframleiðsla Þjóðverja hófst aftur á fjórða áratugi 20. aldar fór fyrirtækið að framleiða hreyfla fyrir þýska flugherinn (Luftwaffe). Á stríðsárunum framleiddi BMW yfir 30 þúsund hreyfla og voru sumir þeirra byltingakenndir.

Eftir stríðið tók að syrta í álinn hjá fyrirtækinu og árið 1959 var alvarlega íhugað að leggja starfsemina niður. Þó var ákveðið að halda henni áfram og leggja aukna áherslu á bifreiðasmíði. Keypt var leyfi á framleiðslu ítalska smábílsins Iso Isetta og í hann sett breytt útgáfa af BMW-bifhjólavél. Með þessu hlaust nægur hagnaður til að halda fyrirtækinu á floti og komast á skrið aftur. Frá árinu 1959 hefur fjölskylda sem ber nafnið Quandt átt 46% hlut í fyrirtækinu en afgangurinn er í eigu almennra hluthafa.

Tilvísanir[breyta]

  1. „BMW to appoint production head Reithofer as new CEO tomorrow“ (enska),
  2. „Ársskýrlsa 2008“ (enska). BMW Group, skoðað þann 24. febrúar 2010.
  3. „Fliegerschule St.Gallen - history“ (þýska), afrit af upprunalegu eintaki geymt frá því 28. maí 2007. skoðað þann 24. febrúar 2010.
  4. Darwin Holmstrom, Brian J. Nelson (2002). BMW Motorcycles. MotorBooks/MBI Publishing Company. ISBN 076031098X. Sótt þann 24. febrúar 2010.
  5. Johnson, Richard Alan (2005). Six men who built the modern auto industry. MotorBooks/MBI Publishing Company. ISBN 0760319588, 9780760319581. 
  6. (2008) Disseminative Capabilities: A Case Study of Collaborative Product Development in the Automotive. Gabler Verlag. ISBN 3834912549, 9783834912541. 
  7. Kiley, David (2004). Driven: inside BMW, the most admired car company in the world. John Wiley and Sons. ISBN 0471269204, 9780471269205. 
  8. Dr. Florian Triebel. „The Origin of the BMW Logo: Fact and Fiction“ (enska). Mobile Tradition live / tölublað 01.2005, skoðað þann 24. febrúar 2010.

Tenglar[breyta]

Wikimedia Commons er með margmiðlunarefni sem tengist


  Þessi fyrirtækjagrein sem tengist Þýskalandi og bílum er stubbur. Þú getur hjálpað til með því að bæta við greinina.