Bókasafnið í Alexandríu

Úr Wikipediu, frjálsa alfræðiritinu
Stökkva á: flakk, leita
Rolla frá 5. öld sem sýnir Þeófílos frá Alexandríu eyðileggja Sarapishofið sem hýsti hluta bókasafnsins.

Bókasafnið í Alexandríu í Alexandríu í Egyptalandi var eitt sinn stærsta bókasafn heims.Það er almennt talið hafa verið stofnað snemma á 3. öld f.Kr., í valdatíð Ptolemajosar I (323–283 f.Kr.) eða sonar hans Ptolemajosar II (283–246 f.Kr.). Sennilega var það stofnað eftir að fyrsti hluti safnsins í Alexandríu, Múseion (forngríska: Μουσείον), var reistur. Hlutar bókasafnsins skemmdust í eldsvoðum.

Plútarkos (46 - 120 e.Kr.) skrifaði að Júlíus Sesar hefði brennt bókasafnið fyrir slysni árið 48. f.Kr. Árið 2002 var Bibliotheca Alexandria opnað í Alexandríu til minningar um safnið.[1] Árið 2004 tilkynntu pólskir og egypskir vísindamenn að þeir hefðu uppgötvað fornleifar bókasafnsins.[2]

Talið er að gríska skáldið og fræðimaðurinn Kallímakkos (310/305 – 240 f.Kr.) hafi samið fyrstu bókaskránna sem nefnd er Pinakes. Á hún að hafa innihaldið breiða efnisflokka á bilinu 5-12 talsins.

Tilvitnanir[breyta]

  1. Bókasafnið í Alexandríu opnað, Morgunblaðið 17. október 2002
  2. Library of Alexandria discovered, BBC News 12 maí 2004
  Þessi fornfræðigrein er stubbur. Þú getur hjálpað til með því að bæta við greinina.