Anthrax

Úr Wikipediu, frjálsa alfræðiritinu
Stökkva á: flakk, leita
Anthrax er einnig heiti yfir smitsjúkdóminn miltisbrand.

Anthrax er bylturokkshljómsveit frá New York í Bandaríkjunum. Sveitin gaf út sína fyrstu plötu árið 1984. Anthrax var meðal vinsælli sveita í undirmenningu bylturokksins á 9. áratugnum, og er þekkt fyrir að blanda rappi og fleiru við þungarokkið. Sveitin er talin ein af fjórum höfuðsveitum bylturokksins ásamt Metallica, Megadeth, og Slayer.

Saga[breyta]

Fyrstu árin (1981-1986)[breyta]

Það voru gítarleikarinn Scott Ian og bassaleikarinn Dan Lilker sem stofnuðu Anthrax árið 1981, en stuttu síðar gengu trommuleikarinn Charlie Benante, gítarleikarinn Dan Spitz og söngvarinn Neil Turbin til liðs við þá Scott og Dan, og þar með var búið að manna sveitina. Þeir félagar fengu síðan samning hjá plötufyrirtækinu Megaforce Records, og fyrsta platan kom út 1984, og hlaut nafnið Fistful of metal. Ári síðar urðu miklar mannabreytingar. Dan Lilker hætti og fór í hljómsveitina Nuclear Assault, en við hlutverki hans tók Frank Bello, frændi Charlies Benante. Sömuleiðis hætti söngvarinn Turbin, og Joey Belladonna var fenginn í hans stað. Belladonna þykir hafa haft mikil áhrif á sveitina, sér í lagi með víðara tónsviði en Turbin.

Leiðin til frægðar[breyta]

Snemma var eftir því tekið að Anthrax-menn höfðu meira en lítið gaman af því að gera tilraunir með ímynd sveitarinnar, og fikta við aðrar tegundir tónlistar í bland við þungarokkið. Seint á 9. áratugnum skiptu þeir til að mynda um ímynd, hurfu frá hefðbundinni þungarokksímynd og tóku sér það sem þá var kallað brimreiðarstíll (e. surfer). Einnig þóttu þeir duglegri en kollegar sínir í bylturokkinu að koma húmornum að í tónlist sinni.

1987 kom þriðja plata sveitarinnar út, en hún hét Among the living.

Hljómplötur[breyta]

Breiðskífur[breyta]

Hlekkir[breyta]