Annamít fjallgarðurinn

Úr Wikipediu, frjálsa alfræðiritinu
Stökkva á: flakk, leita
Annamít fjallgarðurinn í Pu Mat þjóðgarðinum í Víetnam.

Annamít fjallgarðurinn er mikið fjallendi í austurhluta Indókína. Fjallgarðurinn nær yfir um það bil 1100 km svæði í gegnum Laos, Víetnam og inn í norðausturhluta Kambódíu. Á víetnömsku er hann nefndur Dãy Trường Sơn, á laósku Phou Luang, og á frönsku Chaîne Annamitique.

Fjallgarðurinn aðskilur aðrennslissvæði Mekong-fljótsins frá mjórri strandlengju Víetnam að Suður-Kínahafi. Austan megin rís fjallgarðurinn allbratt en vestan megin taka við aflíðandi hásléttur. Hæsta fjallið er Phou Bia í Laos og er það 2.820 metra yfir sjávarmáli.

Fjallgarðurinn er að mestu skógi vaxinn og er þar mjög fjölskrúðlegt jurta og dýralíf, m.a. Indókínverska tígrisdýrið (Panthera tigris corbetti) og hinn risavaxna gáruxa (Bos gaurus).