Anna Nicole Smith
Úr Wikipediu, frjálsa alfræðiritinu
| Anna Nicole Smith | |
|---|---|
 Anna Nicole Smith |
|
| Fæðingarnafn | Vickie Lynn Hogan |
| Fædd(ur) | 30. júlí 1967 (41 árs) Houston, Texas, USA |
| Dáin(n) | 8. febrúar 2007 (39 ára) |
| Helstu hlutverk | |
| Tanya Peters í Naked Gun 3 1/3: The final insult | |
Vickie Lynn Hogan betur þekkt sem Anna Nicole Smith (28. nóvember 1967 – 8. febrúar 2007) var bandarísk fyrirsæta, leikkona og kyntákn. Hún varð fyrst þekkt sem Playboy fyrirsæta árið 1993 og var valin leikfélagi ársins hjá blaðinu.
Menntun hennar var ekki mikill, en hún komst ekki í gegnum eitt ár í gagnfræðiskóla. Hún giftist fyrst þegar hún var 17 ára. Árið 1994 giftist hún 89 ára gömlum milljónamæringi J. Howard Marshall sem var þá bundin í hjólastól.
Efnisyfirlit |
[breyta] Æska
Vickie Lynn Hogan fæddist þann 28. nóvember árið 1967 í Houston í Texas fylki. Hún var einkabarn hjónanna Donald Eugene Hogan (fæddur 12. júlí 1947) og Virgie Mae Tabers (fædd 12. júlí 1951). Vickie átti samt einn eldri hálfbróður David Luther Tucker, Jr. Foreldrar Vickie giftu sig í febrúar 1967 en hjónabandið entist ekki lengi og þau skyldu þann 4. nóvember 1969 þegar litla Vickie var aðeins tveggja ára gömul. Faðir hennar yfirgaf hana, og seinna mundi hann giftast á ný. Móðir Vickie ól hana upp alein með hjálp frænku hennar. Þegar Vickie var ung dreymdi hana um að vera stjarna. Mynd:SkyscraperUKDVD.jpg Um leið og Vickie kláraði níunda bekk sendi móðir hennar hana til Mexia í Texas þar sem að frænka sín átti heima. Vickie var glöð að vera laus frá móður sinni sem að flengdi hana oft. Hún hóf nám við Mexia High School en þegar Vickie var komin hálfleiðina í gegnum fyrsta árið sitt hætti hún og gerðist þjónustustúlka á veitingastað.
Móðir hennar var óánægð með hana, en það skipti Vickie ekki máli. Á meðan hún vann á veitingastaðnum Jim's Krispy Fried Chicken hitti hún Billy Wayne Smith, 16 ára gamlan kokk. Þann 4. apríl 1985 giftust þau og ári seinna eignuðust þau soninn Daniel Wayne Smith. Árið 1987 urðu þau vinskila og Vickie fór með eins árs son sinn til Houston. Þau voru samt ekki löglega skilin fyrr en Febrúar, 1993.
Vickie vann sem þjónustustúlka á nokkrum veitingastöðum áður en hún hóf ferill sinn sem strippari. Í október 1991 sá hún auglýsingu frá Playboy þar sem verið var að leita að ungum stúlkum til að vera í blaðinu.
[breyta] Playboy-ferill
Árið 1992 hófst ferill Vickiar. Hugh Hefner sjálfur valdi hana til að vera á forsíðu mars útgáfu Playboys. Hún var kölluð Vickie Smith í blaðinu en valdi seinna sviðsnafnið Anna Nicole Smith. Í blaðinu sagði hún að henni dreymdi um að verða næsta Marilyn Monroe. Fyrr en varir var hún orðin ein af vinsælustu fyrirsætum Playboys þar sem að barmur hennar var mun stærri en aðra Playboy-fyrisætna. Árið 1993 var hún valin Playmate of the year eða leikfélagi ársins af Playboy.
Eftir að Anna var fyrst sýnd í Playboy slógust fataframleiðendur um að láta taka myndir af henni í fötunum þeirra. Anna skrifaði undir samning við Guess gallabuxnaframleiðandan og tók við af Claudiu Schiffer sem fyrirsæta fyrirtækisins. Rétt fyrir jól árið 1993 voru líka teknar myndir af henni fyrir sænska fataframleiðandann H&M þar sem að hún auglýsti nærföt. Hún birtist á stórum auglýsingaskyltum í Svíþjóð og Noregi.
Bandaríska tímaritið New York birti mynd af henni á forsíðu blaðsins 22. águst 1994 þar sem að fyrirsögnin var „White Trash Nation“. Á myndini var hún klædd í voða stutt kúrekaföt og borðaði flögur. Tveimur mánuðum seinna, í október 1994, kærði hún blaðið og heimtaði $5.000.000 (um 600 milljón íslenskar krónur) í sárabætur. Lögmaður Smith sagði að henni hafði verið sagt að hún ætti að vera ímynd bandaríska kvenna. Seinna sagði hann að þessi mynd hefði verið tekin bara til gamans eftir að myndatakan var búin.
[breyta] Anna og J. Howard Marshall
Á meðan hún var ennþá bara strippari árið 1991 kynntist hún gömlum milljónamæring,J. Howard Marshall. Þau byrjuðu smá samband eftir það. Marshall var þegar giftir og átti hjákonu þegar að hann kynntist Önnu. Eftir að kona hans og hjákona dóu bæði þá leitaði hann oftar til Önnu. Þau urðu mjög góðir vinir og hann bað hennar oft en hún hafnaði honum alltaf. Árið 1993 skildi hún löglega við fyrrverandi eiginmann sinn og aðeins ári seinna var hún gift hinum 89 ára gamla J. Howard Marshall. Fjölmiðlarnir rifu hana í tætlur í blöðunum og kjaftasögur um að hún hafi bara gifst honum fyrir peningana fóru um. Anna bjó samt aldrei með Marshall en hún sagði að hún elskaði eiginmann sinn. Þrettán mánuðum eftir giftinguna lést Marshall.
[breyta] Arfurinn
Aðeins nokkrum vikum eftir að Marshall dó fóru Anna og tengdasonur hennar(sem var 28 árum eldri en hún) að deila um hver skyldi fá arfinn. Hinn sonur Marshalls J.Howard Marshall III krafðist líka hluta af arfinum en nafn hans hafði ekki verið á erfðarskránni. Smith sagði að Marshall hafi lofað henni helming af húsinu sínu ef að hún giftist honum. Deilur um arf eiginmanns hennar héldu áfram þangað til að hún dó.
[breyta] Kvikmynda- og sjónvarpsferill
Anna Nicole átti erfitt með að gleðja gagnrýnendurna með leik sínum. Hún hreppti Razzie-verðlaunin árið 1995 sem versta nýja kvikmyndastjarna ársins. Sama ár lék hún aðalhlutverkið í myndinni To the limit þar sem að hún leikur spæjara sem að reynir að hefna fyrir morð eiginmanns síns. Árið 1997 framleiddi hún og lék aðalhlutverkið í myndinni Skyscraper. Myndin fjallaði um þyrluflugmann sem að neyðist til að lenda á skýjakljúfri og finnur síðan út að byggingin er hertekin af erlendum hryðjuverkamönnum.
Leikur hennar í báðum myndum var harðlega dæmdur og spjallþáttarstjórnendur rifu hana í tætlur í þáttum sínum. Á sama tíma var Anna enn þá að rífast við fjölskyldu fyrrverandi eiginmanns síns um húsið hans. Árið 2002 fékk hún sinn eigin raunveruleikaþátt þar sem að áhorfendur E! stöðvarinnar fengu að fylgjast með lífi hennar. 26 þættir voru framleiddir.
Árið 2003 lék Anna sig sjálfa í myndinni Wasabi Tuna sem fjallaði um nokkra unglinga sem ræna hundinum hennar, Sugar-Pie, á hrekkjavöku. Anna kom líka fram í myndinni Be Cool með John Travolta og Uma Thurman.
Síðasta mynd Önnu var Illegal Aliens sem fjallaði um geimverur sem umbreyta sér í kynbombur til þess að bjarga jörðinni. Anna skrifaði bæði handritið og lék aðalhlutverkið en myndinn fór aldrei í bíó.
[breyta] Einkalíf
[breyta] Dannie Lynn
Þann 1. júní,2006 lét Anna Nicole Smith heiminn vita að hún væri ólétt með sitt annað barn. Í myndbandinu sínu sagði hún að hún vildi binda enda á alla orðrómana um hvort hún væri ólétt eða ekki. Fjórum mánuðum seinna, þann 7. september, 2006, fæddist dóttirin Dannielynn Hope Marshall Stern á Bahamaeyjum. Á fæðingarvottorði hennar var Howard K. Stern skráður sem faðirinn en eftir dauða Önnu hófust rifrildi á milli Stern og Larry Birkhead. Ekki fyrr en rétt eftir fæðingu dóttuur sinnar kom það í ljós hver faðirinn var. Lögfræðingur Önnu, Howard K. Stern, sagði að hann og hún hefðu átt í leynilegu sambandi í langann tíma. Eftir að Anna dó hófust deilur á milli Howard K. Stern og Larry Birkhead um hver væri raunverulegur faðir Dannie Lynn.
[breyta] Anna deyr
Þann 8. febrúar 2007 fannst Anna meðvitundarlaus í hótelherbergi nr. 607 á hóteli í Flórída. Hún var flutt inn á spítala og lést um nóttina þá 39 ára gömul. Margar lífgunartilraunir voru gerðar en þær báru engan árangur. Síðasti maður sem sá Önnu lifandi var lífvörður hennar Big Moe. Hann var yfirheyrður af lögreglu og sagði að Anna hafi verið mjög ringluð en hún var á sýklalyfjum og einhverjum öðrum lyfjum því að hún var slöpp. „Hún tók bara lyfin sem Howard lét hana fá“ sagði hann. Mörgum grunar að Howard beri ábyrgð á dauða Önnu. Síðar var það staðfest að Anna hefði dáið úr of stórum lyfjaskammti. Vegna ljóskuímyndar sinnar og lífernis var dauða hennar líkt við andlát Marilyn Monroe.
[breyta] Gröfin
Miklar deilur urðu hvar ætti að grafa Önnu. Móðir Önnu sem hafði ekki séð dóttur sína í tólf ár vildi grafa hana í Houston heimabæ hennar en kærasti Önnu Howard K. Stern vildi grafa hana í Bahamaeyjum við hlið Daniels. Anna hafði keypt svæði við hliðina á gröf sonar síns. Það mátti sjá blika tár á hvarmi dómara þegar hann ákvað að Anna yrði jörðuð á Bahama eyjum. Móðir Önnu sagði að Howard væri að reyna að græða á þessu. Anna var jörðuð 2. mars 2007 tuttugu og tveim dögum eftir að hún lést. Orsök dauða voru sögð mörg. Anna hafði auglýst megrunarduft og hafði misst 30 kíló á stuttum tíma. Mikið af ferðamönnum fóru að heimsækja gröf Önnu og því voru ráðnir öryggisverðir til að gæta gröf hennar.
[breyta] Kvikmyndir
Þær myndir sem Anna lék í og nöfn persónanna.
- Illegal Aliens (2006), Lucy
- „N.Y.U.K“ (2000), Dr. Anita Hugg
- Skyscraper (1997) (V), Carrie Wisk
- To the Limit (1995), Colette Dubois/Vickie Linn
- Naked Gun 33 1/3: The Final Insult (1994), Tanya Peters
- The Hudsucker Proxy (1994), Za-Za
[breyta] Sjónvarpsþættir
Þeir þættir sem Anna kom fram í, lék aukahlutverk og nöfn persónanna.(- er nafn þáttarins)
- The Anna Nicole show (26 þættir, 2001)
- Ally McBeal, Myra Jacobs (1 þáttur, 1999)
- Veronica's Closet, Donna (1 þáttur, 1999)
- Sin City Spectacular (Prufu þáttur, 1998)
