Þverbanda hjólbarði

Mynd sem sýnir hvernig strigalögin liggja í þverbanda hjólbarðanum

Þverbanda hjólbarði eða radíaldekk er tegund af hjólbarða þar sem strigalög og vírar liggja þvert á akstursstefnuna. Með þessu fæst slitsterkari snertiflötur (bani) og sveigjanlegar hliðar. Þverbanda hjólbarðar „dala“ því meira en skábanda hjólbarða (diagonal dekk) og dreifa þannig álagi og þyngd betur á undirlagið. Aftur á móti eru hliðarnar viðkvæmar gagnvart oddhvössum hlutum. Hjólbarðarnir eru notaðir bæði á bíla og dráttarvélar en síður á vagna vegna þess hve miklu dýrari þeir eru en skábanda hjólbarðar.

Þverbanda hjólbarðar voru fundnir upp af Michelin fyrirtækinu og komu fyrst á markað árið 1946.

Kostir og gallar

Kostir við að nota þverbanda hjólbarða:

1. Betra veggrip þar sem snertiflöturinn eykst með mýkri hliðum
2. Lengri líftími vegna þess hve stöðugt það er á vegi eða undirlagi. Þannig getur þverbanda hjólbarði haft 50% lengri líftíma en skáband

Gallar:

1. Radíaldekk missa veggripið mun snöggar en diagonldekk
2. Undir 50 km/klst eru þverbanda hjólbarðar óþægilegri vegna þess hversu miklu harðari baninn er og mjúkar hliðarnar eru
3. Á minni hraða getur bifreiðin eða dráttarvélin verið þyngri í stýri