Þríhnúkagígur

Hnit: 63°59′54″N 21°41′56″V / 63.99833°N 21.69889°V / 63.99833; -21.69889
Úr Wikipediu, frjálsa alfræðiritinu

63°59′54″N 21°41′56″V / 63.99833°N 21.69889°V / 63.99833; -21.69889

Þríhnúkagígur.
Þríhnúkahellir.
Þríhnúkagígur, horft upp frá botni

Þríhnúkagígur er gígur sem liggur í norðaustasta Þríhnúknum, rúma 4 km vestur af skíðasvæðinu í Bláfjöllum. Niður frá gígopinu gengur gríðarmikill gíghellir, Þríhnúkahellir. Er hann talin eitt stærsta og merkasta náttúrufyrirbæri sinnar tegundar á jörðinni.

Gígopið er þverhnípt og um 4 sinnum 4 metra stórt. Fyrst var sigið niður í gíghellinn 1974[1] og 1991 var hann svo kannaður ítarlega og kortlagður. Þríhnúkahellir er flöskulaga ketill sem er um 150 þúsund rúmmetrar að stærð. Botninn er á stærð við fótboltavöll og er 120 metra undir yfirborði jarðar og þaðan liggja svo gígrásir niður á um 200 metra dýpi.

Í ljósi þess hvað hann þykir sérstakur hafa verið settar fram hugmyndir um hvernig megi bæta aðgengi að honum, sem fæli m.a. í sér að bora göng inn í hann miðjan og byggja útsýnispall inni í honum.

Tilvísanir[breyta | breyta frumkóða]

  1. „Leyndardómar Þríhnúka“. mbl.is. Sótt 10. febrúar 2013.

Tenglar[breyta | breyta frumkóða]


  Þessi jarðfræðigrein sem tengist Íslandi er stubbur. Þú getur hjálpað til með því að bæta við greinina.