Þráttarefnishyggja
Úr Wikipediu, frjálsa alfræðiritinu
Þráttarefnishyggja eða díalektísk efnishyggja er marxískt afbrigði af kenningum heimspekingsins Hegels um díalektík, það er samspil gagnvirkra krafta. Að mati margra er þráttarefnishyggja kjarninn í kenningum Karls Marx. Samkvæmt henni vex hvert efnahagskerfi upp í hámarks skilvirkni en á sama tíma verða til innri þversagnir og veikleikar sem draga það til falls. Þráttarefnishyggja felur í sér að eðli átaka andstæðra stétta í ólíkum samfélögum er alltaf það sama, það er að segja arðrán og kúgun eigenda framleiðsluaflanna á þeim sem ekkert eiga nema eigið vinnuafl.
