Þorvaldur Gylfason
Úr Wikipediu, frjálsa alfræðiritinu
Þorvaldur Gylfason (fæddur 18. júlí 1951) er prófessor í hagfræði við Háskóla Íslands. Hann er sonur Gylfa Þ. Gíslasonar og Guðrúnar Vilmundardóttur. Þorvaldur lauk doktorsprófi í hagfræði frá Princeton-háskóla árið 1976.
Efnisyfirlit |
[breyta] Æviágrip
Faðir Þorvaldar var Gylfi Þ. Gíslason, alþingismaður, ráðherra og prófessor. Móðir hans, Guðrún Vilmundardóttir var húsfreyja og á tímabili blaðamaður. Þorvaldur átti tvo bræður, Þorsteinn Gylfason, prófessor, og Vilmundur Gylfason, alþingismaður og kennari en þeir eru báðir látnir.
Þorvaldur varð stúdent frá Menntaskólanum í Reykjavík árið 1970. Hann lauk B.A.-prófi í hagfræði frá University of Manchester árið 1973, M.A. próf í hagfræði frá Princeton University í Bandaríkjunum árið 1975 og doktorsprófi í hagfræði frá Princeton University árið 1976.
Þorvaldur er kvæntur Önnu Karitas Bjarnadóttur kennara og tryggingaráðgjafa hjá Sjóvá-Almennum tryggingum. Þau giftust þann 18. október 1987.
[breyta] Ferill
- Starfsmaður í hagfræðideild Seðlabanka Íslands sumrin 1971-1972.
- Starfsmaður hagrannsóknadeildar Framkvæmdastofnunar ríkisins (Þjóðhagsstofnunar) sumrin 1973-1974.
- Hagfræðingur í Alþjóðagjaldeyrissjóðnum í Washington, DC, 1976-1981.
- Ráðgjafar- og ritstörf fyrir Seðlabanka Íslands 1984-1993.
- Ráðgjafarstörf og fyrirlestrahald á vegum Alþjóðagjaldeyrissjóðsins frá 1993 og Fríverslunarsamtaka Evrópu frá 1992.
- Ráðgjöf og rannsóknir fyrir Evrópusambandið, Alþjóðabankann og Háskóla Sameinuðu þjóðanna.
- Í ritstjórn European Economic Review 1986-1992. Ritstjóri frá 2002.
- Í ritstjórn Japan and the World Economy frá 1989.
- Í ritstjórn Scandinavian Journal of Economics frá 1995.
- Aðstoðarritstjóri Macroeconomic Dynamics frá 1997.
[breyta] Rannsóknir
- Rannsóknafélagi hjá Alþjóðahagfræðistofnuninni við Stokkhólmsháskóla 1978-1996
- Rannsóknafélagi hjá SNS (Center for Business and Policy Studies) í Stokkhólmi 1996-2004.
- Rannsóknafélagi við Center for Economic Policy Research í London frá 1987.
- Rannsóknarfélagi við Center for U.S.-Japan Business and Economic Studies við New York University í New York frá 1989.
- Rannsóknarfélagi við Center for Economic Studies við Háskólann í München frá 1999.
[breyta] Kennsla
- Aðstoðarkennari í hagfræði við Princeton-háskóla 1975-1976.
- Gistikennari við International Graduate School í Stokkhólmsháskóla 1982-1983.
- Prófessor í þjóðhagfræði við Háskóla Íslands frá 1. júlí 1983, rannsóknaprófessor í hagfræði frá 1. janúar 1998 til 30. júní 2004.
- Gistiprófessor í Princeton-háskóla 1986-1988.
Þorvaldur hefur einnig haldið fyrirlestra um allan heim og leiðbeint um hagfræði og hagstjórn á endurhæfingarnámskeiðum alþjóðastofnana fyrir embættis- og stjórnmálamenn.
[breyta] Félags- og trúnaðarstörf
- Formaður stjórnar Kaupþings h.f. 1986-1990.
- Deildarforseti viðskipta- og hagfræðideildar Háskóla Íslands 1988-1990.
- Formaður stjórnar Styrktarfélags Íslensku óperunnar 1988-1994.
- Formaður fulltrúaráðs Styrktarfélags Íslensku óperunnar 1987-1988.
- Formaður í Programme Committee í Evrópska hagfræðingafélaginu á 5. ársfundi félagsins í Lissabon 1990.
- Formaður stjórnar hlutabréfasjóðsins Auðlindar h.f. 1990-1992.
- Kjörinn í framkvæmdaráð Economic European Association 1992-1996.
- Formaður sérfræðinganefndar, sem gerði úttekt á sænsku efnahagslífi 1997.
- Kjörinn heiðursfélagi í Evrópska hagfræðingafélaginu 2004.
[breyta] Heimildir
- Heimasíða Þorvaldar, Lengri æviskrá - skoðað þann 23. nóvember 2005.
- Heimasíða Þorvaldar, æviágrip Gylfa Þ. Gíslasonar - skoðað þann 23. nóvember 2005.
- Heimasíða Þorvaldar, æviágrip Guðrúnar Vilmundardóttur - skoðað þann 23. nóvember 2005.
- Morgunblaðið, 18. Nóvember 1976, bls 3.
