Þingmannanefnd til að fjalla um skýrslu rannsóknarnefndar Alþingis

Þingmannanefnd til að fjalla um skýrslu rannsóknarnefndar Alþingis (stundum nefnd Sannleiksnefnd Alþingis) var níu manna þingnefnd alþingismanna sem brást við skýrslu rannsóknarnefndar Alþingis um bankahrunið. Nefndin starfaði í um fimm mánuði við að fara ofan í kjölinn á skýrslu rannsóknarnefndarinnar sem var gerð opinber 12. apríl 2010 og ákveða viðbrögð við henni. Niðurstöður nefndarinnar voru gerðar opinberar 11. september 2010 í formi skýrslu. Meðal helstu niðurstaðna voru þær að koma þyrfti á skýrari skiptingu ríkisvaldsins, sjálfstæði þingsins gagnvart framkvæmdarvaldinu þyrfti að efla, og getu þingsins til þess að sinna þingeftirliti sömuleiðis. Loks ættu þingmenn að setja sér siðareglur.

Rannsóknarnefnd Alþingis komst að þeirri niðurstöðu í skýrslu sinni að þrír ráðherrar hefðu sýnt af sér vanrækslu í starfi með vítaverðu gáleysi: Árni M. Mathiesen, fjármálaráðherra (2005-2009), Geir Haarde, forsætisráðherra (2006-2009) og Björgvin G. Sigurðsson viðskiptaráðherra (2007-2009). Þingmannanefndin klofnaði hins vegar í afstöðu sinni til þess hvort samþykkja bæri þingsályktunartillögu um kæru á hendur ráðherra vegna brota í starfi. Þingmenn Samfylkingarinnar vildu að ofangreindir þrír ráðherrar yrðu ákærðir fyrir landsdóm. Þingmenn Vinstri grænna, Framsóknarflokksins og Hreyfingarinnar vildu því til viðbótar að Ingibjörg Sólrún Gísladóttir, utanríkisráðherra (2007-2009), yrði ákærð. En þingmenn Sjálfstæðisflokksins töldu að ekki bæri að ákæra neinn ráðherra.

Með atkvæðagreiðslu á Alþingi um tillögur nefndarinnar þann 28. september 2010 var samþykkt með 33 atkvæðum gegn 30 að höfðað skyldi mál fyrir Landsdómi á hendur Geir H. Haarde en tillögur um málshöfðun á hendur Ingubjörgu Sólrúnu Gísladóttur, Árna Mathiesen og Björgvini G. Sigurðssyni voru felldar. Skipaður var sérstakur saksóknari Alþingis sem birti Geir formlega ákæru og málið Alþingi gegn Geir H. Haarde var rekið fyrir Landsdómi en því lauk með sakfellingu vegna eins ákæruliðar en sýknu eða frávísun annarra liða. Geir var ekki gerð sérstök refsing í málinu.

Samsetning

Samsetning Þingmannanefndar til að fjalla
um skýrslu rannsóknarnefndar Alþingis

Stjórnmálaflokkur	Þingmenn
Samfylkingin	Magnús Orri Schram & Oddný G. Harðardóttir
Framsóknarflokkurinn	Sigurður Ingi Jóhannsson & Eygló Harðardóttir
Vinstrihreyfingin – grænt framboð	Atli Gíslason & Lilja Rafney Magnúsdóttir
Sjálfstæðisflokkurinn	Unnur Brá Konráðsdóttir & Ragnheiður Ríkharðsdóttir*
Hreyfingin	Birgitta Jónsdóttir
* (tók sæti Ásbjörns Óttarssonar)

Formaður nefndarinnar var Atli Gíslason og vakti athygli að flestir þingmannanna voru nýir á þingi. Nefndin endurspeglaði styrk stjórnmálaflokka á þingi. Þá var þar líka Birgitta Jónsdóttir úr flokki Hreyfingarinnar en hún gerði kröfu um varaformannssæti í nefndinni. Þingmennirnir voru kosnir án atkvæðagreiðslu á þingfundi þann 30. desember 2009.

Ásbjörn Óttarsson var í lok janúar 2010 hvattur til að segja sig úr nefndinni eftir að hafa viðurkennt að hafa brotið lög þegar hann greiddi sér og konu sinni tuttugu milljónir króna í arð árið 2007. Hann sagði sig úr nefndinni í febrúar og í stað hans kom Ragnheiður Ríkharðsdóttir.

Þingsályktun um ákærur á hendur fyrrverandi ráðherrum

Þingmaður	fl.	GHH	ISG	ÁMM	BGS
Atli Gíslason		já	já	já	já
Álfheiður Ingadóttir		já	já	já	já
Árni Þór Sigurðsson		já	já	já	já
Björn Valur Gíslason		já	já	já	já
Huld Aðalbjarnardóttir		já	já	já	já
Jón Bjarnason		já	já	já	já
Katrín Jakobsdóttir		já	já	já	já
Lilja Rafney Magnúsdóttir		já	já	já	já
Lilja Mósesdóttir		já	já	já	já
Margrét Pétursdóttir		já	já	já	já
Steingrímur J. Sigfússon		já	já	já	já
Svandís Svavarsdóttir		já	já	já	já
Þráinn Bertelsson		já	já	já	já
Þuríður Backman		já	já	já	já
Ögmundur Jónasson		já	já	já	já
Birgitta Jónsdóttir		já	já	já	já
Margrét Tryggvadóttir		já	já	já	já
Þór Saari		já	já	já	já
Ásmundur Einar Daðason		já	já	já	já
Birkir Jón Jónsson		já	já	já	já
Eygló Harðardóttir		já	já	já	já
Sigurður Ingi Jóhannsson		já	já	já	já
Siv Friðleifsdóttir		já	já	já	já
Vigdís Hauksdóttir		já	já	já	já
Helgi Hjörvar		já	nei	nei	nei
Jónína Rós Guðmundsdóttir		já	já	já	já
Magnús Orri Schram		já	já	já	nei
Mörður Árnason		já	já	já	s.h.
Oddný G. Harðardóttir		já	já	já	nei
Ólína Þorvarðardóttir		já	nei	já	já
Sigríður Ingibjörg Ingadóttir		já	nei	já	já
Skúli Helgason		já	nei	nei	nei
Valgerður Bjarnadóttir		já	já	já	nei
Guðmundur Steingrímsson		nei	nei	nei	nei
Gunnar Bragi Sveinsson		nei	nei	nei	nei
Sigmundur Davíð Gunnlaugsson		nei	nei	nei	nei
Anna Margrét Guðjónsdóttir		nei	nei	nei	nei
Árni Páll árnason		nei	nei	nei	nei
Ásta R. Jóhannesdóttir		nei	nei	nei	nei
Guðbjartur Hannesson		nei	nei	nei	nei
Jóhanna Sigurðardóttir		nei	nei	nei	nei
Katrín Júlíusdóttir		nei	nei	nei	nei
Kristján L. Möller		nei	nei	nei	nei
Róbert Marshall		nei	nei	nei	nei
Sigmundur Ernir Rúnarsson		nei	nei	nei	nei
Þórunn Sveinbjarnardóttir		nei	nei	nei	nei
Össur Skarphéðinsson		nei	nei	nei	nei
Árni Johnsen		nei	nei	nei	nei
Ásbjörn Óttarsson		nei	nei	nei	nei
Birgir Ármannsson		nei	nei	nei	nei
Bjarni Benediktsson		nei	nei	nei	nei
Einar K. Guðfinnsson		nei	nei	nei	nei
Guðlaugur Þór Þórðarson		nei	nei	nei	nei
Kristján Þór Júlíusson		nei	nei	nei	nei
Ólöf Nordal		nei	nei	nei	nei
Pétur H. Blöndal		nei	nei	nei	nei
Ragnheiður E. árnadóttir		nei	nei	nei	nei
Ragnheiður Ríkharðsdóttir		nei	nei	nei	nei
Sigurður Kári Kristjánsson		nei	nei	nei	nei
Tryggvi Þór Herbertsson		nei	nei	nei	nei
Unnur Brá Konráðsdóttir		nei	nei	nei	nei
Víðir Smári Petersen		nei	nei	nei	nei
Þorgerður K. Gunnarsdóttir		nei	nei	nei	nei
		33 já	29 já	31 já	27 já
		30 nei	34 nei	32 nei	35 nei
		samþ.	fellt	fellt	fellt

Sjá einnig

• Rannsóknarnefnd Alþingis
• Skýrsla rannsóknarnefndar Alþingis

Tenglar

• Skýrsla nefndarinnar
• Þingmannanefnd til að fjalla um skýrslu rannsóknarnefndar Alþingis Geymt 26 janúar 2013 í Wayback Machine, af vef Alþingis
• Þingmannanefnd um hrunið býr sig undir að beita lögum um ráðherra- ábyrgð. Ráðamenn fyrir landsdóm?; af Eyjunni.is 8.2 2010 Geymt 12 febrúar 2010 í Wayback Machine

  Þessi grein er stubbur. Þú getur hjálpað til með því að bæta við greinina.