Laddi

Laddi
Fæddur	Þórhallur Sigurðsson 20. janúar 1947 (1947-01-20) Hafnarfjörður, Ísland
Önnur nöfn	Laddi
Ár virkur	1970 - nú
Börn	Marteinn Ívar Arnþór Þórhallur
Helstu hlutverk
Doktor Saxi í Heilsubælið (1986); Salómon í Stella í orlofi (1986) og Stella í framboði (2002); Theódór Ólafsson í Magnús (1989)

Þórhallur Sigurðsson (fæddur 20. janúar 1947), best þekktur sem Laddi, er íslenskur leikari, söngvari, lagahöfundur og skemmtikraftur. Hann hefur gefið út plötur, leikið í kvikmyndum og tekið þátt í miklum fjölda skemmtiþátta sem handritshöfundur og leikari, t.d Heilsubælinu, Imbakassanum og Spaugstofunni. Einnig hefur hann leikið í mörgum Áramótaskaupum og tekið þátt í að semja þau. Hann hefur skapað fjöldann allan af persónum fyrir dagskrárgerð í Sjónvarpinu og á Stöð 2, eins og Þórð húsvörð (Stundin okkar), Eirík Fjalar (Áramótaskaup 1980), Saxa lækni (Heilsubælið), Skúla rafvirkja (Allt í ganni), Magnús bónda (Spaugstofan), Ho Si Mattana, Elsu Lund (Á tali hjá Hemma Gunn), Martein Mosdal, og svo framvegis. Kvikmyndir sem hann hefur leikið í eru meðal annars Stella í orlofi, Stella í framboði, Magnús, Regína, Íslenski draumurinn, Jóhannes, Ófeigur gengur aftur og fleiri. Hann hefur líka starfað mikið í leikhúsi, en frægustu hlutverk hans á þeim vettvangi eru líklega Fagin í Óliver Twist og tannlæknirinn í Litlu hryllingsbúðinni.

Ferill

Laddi var í tvíeykinu Halla og Ladda ásamt bróður sínum Haraldi Sigurðssyni. Þeir bræður nutu gríðarlegra vinsælda á áttunda áratug tuttugustu aldar, þóttu ómissandi í skemmtiþáttum í sjónvarpi og gáfu út nokkrar hljómplötur með tónlist og gamanmálum. Þekktasta plata þeirra er líklega Látum sem ekkert C, sem þeir gerðu ásamt Gísla Rúnari Jónssyni árið 1976.

Laddi hóf tónlistarferil sinn sem trommari í hljómsveitinni Föxum. Hann hefur samið fjölda laga og mörg þeirra hafa náð miklum vinsældum, til dæmis „Sandalar“, „Austurstræti“ og „Búkolla“, en útgefin lög hans og textar skipta tugum. Hann starfaði um tíma með hljómsveitunum Brunaliðinu og HLH-flokknum, en mest af tónlistarefni hans hefur komið út á sólóplötum eins og Einn voða vitlaus og Deió, auk þess sem það er að finna á fjölmörgum safnplötum.

Á níunda áratugnum stofnuðu Halli og Laddi HLH-flokkinn ásamt Björgvini Halldórssyni. Hljómsveitin stældi útlit og tónlistarstíl rokktímans á 6. áratugnum og átti nokkra sívinsæla smelli eins og „Riddari götunnar“, „Seðill“ og „Í útvarpinu heyrði lag“.

Laddi tók þátt í stofnun Spaugstofunnar 1985 og starfaði með þeim hóp fyrstu árin. Hann skaut líka upp kollinum í seinni þáttum Spaugstofunnar, oftast sem gestaleikari, en veturinn 2013-14 tók hann þátt í heilli þáttaröð á Stöð 2. Hann hefur talsett mikinn fjölda teiknimynda og kvikmynda og má þar nefna Aladdín, Konung ljónanna, Múlan, Rústaðu þessu Ralph, Frosinn, Brakúla og margar fleiri. Þó var það ef til vill eftirtektarverðast þegar hann talsetti alla teiknimyndaþættina um Strumpana einn síns liðs frá 1985.

Árið 2007 setti Laddi upp sýninguna Laddi 6-tugur í Borgarleikhúsinu til að fagna sextugsafmæli sínu. Í byrjun áttu bara að vera 4 sýningar en vegna mikillar aðsóknar varð sýningin ein vinsælasta grínsýning sem sett hefur verið upp á Íslandi. Sex árum var sýningin Laddi lengir lífið sett upp í Hörpu. Þar sló Laddi enn á nýja strengi, afhjúpaði sjálfan sig og fortíð sína og leyfði áhorfendum að skyggnast inn í sálarlíf mannsins sem hafði skemmt þeim svo vel í öll þessi ár.

Fjölskylda

Laddi á fjóra syni: Martein Böðvar, Ívar Örn, Arnþór Ara og Þórhall, sem vann keppnina Fyndnasti maður Íslands árið 2007.

Verk

Hljómplötur

Ár	Hljómplata	Hljómsveit	Útgefandi
1976	Látum sem ekkert C	Halli og Laddi	Ýmir
1976	Jólastjörnur	Gunnar Þórðarson	Ýmir
1977	Fyrr má nú aldeilis fyrrvera	Halli og Laddi	Hljómplötuútgáfan
1978	Hlúnkur er þetta	Halli og Laddi	Hljómplötuútgáfan
1978	Úr öskunni í eldinn	Brunaliðið	Hljómplötuútgáfan
1978	Með eld í hjarta	Brunaliðið	Hljómplötuútgáfan
1979	Burt með reykinn	Brunaliðið	Hljómplötuútgáfan og Tóbaksvarnarráð
1979	Í góðu lagi	HLH-flokkurinn	Skífan
1979	Glámur og Skrámur í sjöunda himni		Hljómplötuútgáfan
1980	Umhverfis jörðina á 45 mínútum	Halli og Laddi	Hljómplötuútgáfan
1981	Deió		Steinar
1981	Laddi - Stór pönkarinn		Steinar
1982	Hurðaskellir og Stúfur staðnir að verki		Steinar
1983	Á túr (eða þannig séð)		Skífan
1983	Allt í lagi með það		Steinar
1984	Jól í góðu lagi	HLH-flokkurinn	Steinar
1984	Í rokkbuxum og strigaskóm	HLH-flokkurinn	Steinar
1985	Einn voða vitlaus		Steinar
1987	Ertu búin að vera svona lengi?		Steinar
1989	Heima er best	HLH-flokkurinn	Skífan
1989	Einu sinni voru Halli & Laddi	Halli og Laddi	Skífan
1990	Of feit fyrir mig		Skífan
1990	Bestu vinir aðal		Steinar
1991	Jólaball með Dengsa og félögum		Skífan
1995	Halli og Laddi í Strumpalandi	Halli og Laddi	Skífan
2002	Royi Roggers	Halli og Laddi	Íslenskir tónar
2005	Brot af því besta: Halli og Laddi	Halli og Laddi	Íslenskir tónar
2006	Hver er sinnar kæfu smiður		Íslenskir tónar
2007	Jóla hvað?		Íslenskir tónar
2010	Bland í poka		Sena
2022	Það er aldeilis		Alda Music
2023	Snjókorn falla		Alda Music

Kvikmyndir og sjónvarpsþættir

Ár	Kvikmynd/Þáttur	Hlutverk	Athugasemdir og verðlaun
1976	Áramótaskaup 1976	Ýmsir
1977	Undir sama þaki		Sjónvarpsþættir
1980	Veiðiferðin
	Áramótaskaup 1980
1981	Jón Oddur og Jón Bjarni
1982	Þættir úr félagsheimili	Nýlistamaður	Sjónvarpsþættir
	Áramótaskaup 1982	Ýmsir
1983	Hver er...	Sveinn	Sjónvarpsmynd
1984	Gullsandur	Hljómsveitarstjóri
	Bíódagar
	Áramótaskaup 1984	Ýmsir
1985	Hvítir mávar	Karl
	Löggulíf	Hilmar vatnsveitumaður
	Áramótaskaup 1985	Ýmsir
1986	Stella í orlofi	Salomon
	Heilsubælið	Ýmsir	Sjónvarpsþættir
	Áramótaskaup 1986	Ýmsir
1989	Kristnihald undir jökli	Jódínus Álfberg
	Magnús	Thedór Ólafsson
1991	Áramótaskaup 1991
1992	Ingaló	Landsambandsmaður 2
	Ævintýri á Norðurslóðum	Hestakaupandi
	Karlakórinn Hekla	Jón
1994	Bíódagar	Valdi
1995	Áramótaskaup 1995
	Einkalíf	Sigurður aðstoðarvarðstjóri
1996	Áramótaskaup 1996
1997	Fornbókabúðin		Sjónvarpsþættir
1998	Áramótaskaup 1998
1999	Áramótaskaup 1999
2000	Íslenski draumurinn	Búðareigandi
	Ikíngut	Þjónn sýslumanns
2001	Regína	Jordan
2002	Litla lirfan ljóta	Maríuhænan	Stuttmynd
	Stella í framboði	Salomon
2003	Áramótaskaup 2003
2004	Áramótaskaup 2004
2005	Kallakaffi		Sjónvarpsþættir
	Áramótaskaup 2005
2006	Áramótaskaup 2006
2007	Áramótaskaup 2007
2008	Stóra planið
	Svartir englar	Geir	Sjónvarpsþættir
	Einu sinni var...	Herra Frímax	Stuttmynd
2009	Jóhannes	Jóhannes
	Bjarnfreðarson	Skólastjóri
2010	Steindinn okkar
	Hæ Gosi	Reynir	Sjónvarpsþættir
2011	Rokland	Keli
	Okkar eigin Osló	Havel
	L7: Hrafnar, Sóleyjar og Myrra	Kiddi
	Algjör Sveppi og töfraskápurinn
	Áramótaskaup 2011
2012	Svartur á leik	Búðareigandi
2013	Ófeigur gengur aftur	Ófeigur
	The Secret Life of Walter Mitty	Togaraskipstjóri
	Fólkið í blokkinni		Sjónvarpsþættir
	Áramótaskaup 2013
2014	Harrý og Heimir: Morð eru til alls fyrst	Símon
	Áramótaskaup 2014
2015	Áramótaskaup 2015
2016	Borgarstjórinn	Gunnar endurskoðandi	Sjónvarpsþættir
2018	Fullir vasar
2019	Monsurnar	Sindri	Sjónvarpsþættir
	Agnes Joy	Gestur 1
	Áramótaskaup 2019
2020	Jarðarförin mín	Benedikt	Sjónvarpsþættir
	Amma Hófí	Pétur
	Áramótaskaup 2020
2022	Brúðkaupið mitt	Benedikt	Sjónvarpsþættir
	Vitjanir	Logi
	Gary Grayman	Skuggalega veran	Stuttmynd
2023	Arfurinn minn	Benedikt

Talsetning teiknimynda

Ár	Kvikmynd	Hlutverk	Athugasemdir
1991	Rokna-Túli
1992	Aladdín	Andi
1993	Tommi og Jenni
1994	Þumalína	Jakamó / Rottur prestur
1994	Konungur ljónanna	Tímon
1995	Svanaprinsessan	Hrói Lávörður
	Jafar snýr aftur	Andi
	Hefðarfrúin og umrenningurinn	Bjór
1997	Herkúles	Pínir og Hermes
	Aladdín og konungur þjófanna	Andi
1998	The Swan Princess: Escape from Castle Mountain	Hrói Lávörður
	Konungur ljónanna 2: Stolt Simba	Tímon
	Pöddulíf	Kornelíus
	Múlan	Múshú
	Óliver og félagar	Fagin
1999	Svanaprinsessan og töfrar konungsríkisins	Rogers
	Leikfangasaga 2	Zurgur
2000	Hefðarkettirnir	Osti, Valdi og Svali
	Gosi	Tumi
2001	Atlantis: Týnda borgin	Fengur
	Hjálp ég er fiskur	Professor F.O. McKrill
	Shrek	Asni
	Dúmbó	Mr. Stork
	Mjallhvít og dvergarnir sjö	Glámur
2002	Lilo og Stitch	Blikkdal
	Ísöld	Lúlli
	Gullplánetan	B.E.N.
2003	Leitin að Nemo	Goggi
	102 dalmatíuhundar		?
	Sinbað	Rotta
2004	Björn bróðir	Rutti
	Shrek 2	Asni
	Múlan 2	Múshjú
	Konungur ljónanna 3: Hakuna Matata	Tímon
	Gauragangur í sveitinni	Lukku-Skanki
2005	Lilo og Stitch 2: Stitch fær skammhlaup	Pilikdal
	Valíant	Lofty
	Vélmenni	Fender
	Madagaskar	Julien konungur
2006	Ísöld 2: Allt á floti	Lúlli
	Skógarstríð	Herra Weenie
	Leroy og Stitch	Blikkdal
	Björn bróðir 2	Rutti
	Bílar	Krókur
	Maurahrellirinn	Fly
2007	Shrek 3	Asni
	Öskubuska 3: Hvað ef skórinn passar ekki?	Prestur
	Bee Movie	Elk
	Shrek-um Hús	Asni
	Brettin upp	Mikey Abromowitz
2008	Horton Hears a Who!	Hvervar bæjarstjóri
	Madagaskar 2	Julien konungur
	Skógarstríð 2	Herra Weenie
2009	Ísöld 3: Risaeðlurnar rokka	Lúlli
	Prinsessan og froskurinn	Ray
	Merry Madagaskar	Julien konungur
2010	Skógarstríð 3	Herra Weenie
	Shrek: Sæll alla daga	Asni
	Leikfangasaga 3	Rosi
2011	Bílar 2	Krókur
	Stígvélaði kötturinn	Auka rödd
	Ice Age: A Mammoth Christmas	Lúlli
2012	Madagaskar 3	Julien konungur
	Ísöld 4	Lúlli
	Rústaðu þessu Ralph	Nammikóngur
2013	Frosinn	Hertoginn af Mararbæ
2016	Vaiana	Eyjabúi #3
	Tröll	Ögn og Bubbli
	Zootropolis	Hertogi af Weaselton
	Ísöld 5: Ævintýrið mikla	Lúlli
2017	Coco	Tío Óscar / Tío Felipe
	Bílar 3	Krókur
2018	Ralph breaks the internet	Nammikóngur
	Hin ótrúlegu 2	Auka rödd
2019	Frosinn 2	Hertoginn af Mararbæ
2022	Ísöld 6	Lúlli
	Stígvélaði Kötturinn 2: Hinsta Óskin	Krikket

Tenglar

• Laddi á Internet Movie Database