Öræfajökull

Hvannadalshnúkur horft frá Skaftafelli. Í forgrunni er Hrútafell.

Öræfajökull er eldkeila á Suðausturlandi (Skaftafellssýslu). Yfir fjallinu er jökulhetta þ.e. Öræfajökullinn sjálfur, sem er jafnframt syðsti hluti Vatnajökuls. Hann fyllir stóra öskju efst á fjallinu. Margir skriðjöklar skríða út frá jökulhettunni niður fjallshlíðarnar og um dali við fjallsræturnar. Meðal þeirra eru Svínafellsjökull, Virkisjökull, Kotátjökull, Kvíárjökull og Hrútárjökull. Á norðausturhlið fjallsins er Hvannadalshnúkur, hæsti tindur Íslands, 2.110 m. Öræfajökull er að hluta innan þjóðgarðsins í Skaftafelli sem markast af Öræfajökli í austri og Skaftafellsjökli í vestri.

Öræfajökull er megineldstöð og hefur gosið tvisvar á sögulegum tíma; fyrst 1362 þegar Litlahérað var lagt í eyði, og síðan minna gosi 1727. Mikið tjón varð í báðum gosunum og þeim fylgdi öskufall og jökulhlaup.

Tenglar

• Stjörnufræðivefurinn: Öræfajökull
• Vísindavefurinn: „Hvernig og hvenær myndaðist Öræfajökull?“

s·r·b

Jöklar á Íslandi

Drangajökull · Eiríksjökull · Eyjafjallajökull · Gljúfurárjökull · Hofsjökull · Langjökull · Mýrdalsjökull · Snæfellsjökull · Tindfjallajökull · Torfajökull · Tungnafellsjökull · Tungnahryggsjökull · Vatnajökull · Þórisjökull · Þrándarjökull · Öræfajökull

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.