Ölkelda (uppspretta)

Úr Wikipediu, frjálsa alfræðiritinu

Ölkelda (úr öl + kelda sem þýðir í fornnorsku „uppspretta“ eða „lind“) er uppspretta vatns sem inniheldur koltvísýring, en hann á uppruna sinn í storknandi kviku í iðrum Jarðar.

Efnisyfirlit 1 Eftir staðsetningu 1.1 Á Íslandi 2 Í ritverkum 3 Heimildir

[breyta] Eftir staðsetningu

Ölkeldur finnast um allan heim, og eru þær sumar heilsulindir.^[1]

[breyta] Á Íslandi

Flestar ölkeldur á Íslandi er að finna á Snæfellsnesi, en einnig eru ölkeldur að finna á Ölkelduhálsi í Hengli og við Leirá í Borgarfirði.

[breyta] Í ritverkum

Minnst er á ölkeldur á Snæfellsnesi í Ferðabók Eggerts Ólafssonar og Bjarna Pálssonar sem var gefin út árið 1772 og er þeim lýst sem:

	...uppsprettur sem eru auðugar af málmsöltum og með bragðmiklu vatni.
	— úr Ferðabók Eggerts Ólafssonar og Bjarna Pálssonar, eftir Eggert Ólafsson og Bjarna Pálsson

Er þar líka sagt að ölkeldur bæti Snæfellsnesi það að hafa ekki heitt vatn. Reyndu þeir að flytja smá ölkelduvatn með sér til Kaupmannahafnar, en það skemmdist á leiðinni.

[breyta] Heimildir

1. ↑ Blaðsíða 13 í Sigurður Þórarinsson. Hverir og laugar, ölkeldur og kaldavermsl. Náttúruverndarráð, 1978.