Ólafur Stefánsson
Úr Wikipediu, frjálsa alfræðiritinu
Ólafur Stefánsson (fæddur 3. júlí 1973 í Reykjavík) er íslenskur handknattleiksmaður og fyrirliði íslenska landsliðsins í handknattleik. Hann er uppalinn í Val og spilar stöðu hægri skyttu fyrir BM Ciudad Real í spænsku fyrstu deildinni í handknattleik, Liga Asobal Allianz.
Efnisyfirlit |
[breyta] Ferill
Í Val byrjaði Ólafur sem hornamaður en færði sig síðar yfir í stöðu hægri skyttu. Ólafur varð mjög sigursæll með liði Vals í upphafi tíunda áratugarins sem byrjaði í raun leiktímabilið 1992-'93 er meistaraflokkur Vals varð Íslands-, bikar- og deildarmeistari auk þess sem Ólafur var kosinn efnilegasti leikmaður mótsins. Valur fylgdi eftir góðu gengi sínu árið eftir með því að verja Íslandsmeistaratitilinn sem og leiktímabilið 1994- '95.
Í kjölfar góðrar frammistöðu Ólafs og viðurkenninga, m.a. kjöri sem besti sóknarmaður Íslandsmótsins 1993-'94 var Ólafur valinn til að leika með íslenska landsliðinu á HM ´95 sem var þá haldið á Íslandi.
Á HM ´97 í Japan var Ólafur aftur valinn í landsliðið ásamt leikmönnum eins og Geir Sveinssyni, Júlíusi Jónassyni og Valdimari Grímssyni þar sem það spilaði undir stjórn Þorbjörns Jenssonar, fyrrum þjálfara Ólafs hjá Val, og Boris Bjarna Akbachev.
Ólafur fór frá Val í atvinnumennskuna til HC Wuppertal í þýsku úrvalsdeildinni þaðan sem leiðin lá til SC Magdeburg.
Ólafur tók þátt í að kveðja fyrrum íþróttahús Valsmanna, Hlíðarenda, er hann spilaði með úrvalsliði Þorbjörns Jenssonar sem var saman sett af fyrrum leikmönnum Vals gegn núverandi liði Vals.
[breyta] Afrek með félagsliðum
- Íslandsmeistari 1992-1993,1993-1994,1994-1995
- Meistari í Þýsku Úrvalsdeildinni 2001-2002
- Meistari í Spænsku Úrvalsdeildinni 2003-2004
- Bikarmeistari með Ciudad Real 2003-2004, 2004-2005, 2005-2006, 2006-2007
- Meistari í Meistaradeild Evrópu 2001-2002, 2005-2006
- Óli Stef er einn þeirra 9 leikmanna Vals sem hafa spilað yfir 200 landsleiki
[breyta] Afrek með landsliðum
- 5. sætið á Heimsmeistaramótinu 1997
- 11. sætið á Evrópumeistaramótinu 1998
- 4. sætið á Evrópumeistaramótinu 2002
- 7. sætið á Heimsmeistaramótinu 2003
- 9. sætið á Ólympíuleikunum 2004
- 15. sætið á Heimsmeistaramótinu 2005
- Á HM 2001 var Ólafur markahæsti leikmaður Íslendinga með 32 mörk.
- Á EM 2002 var Ólafur markahæsti leikmaður mótsins með 58 mörk.
- Á HM 2003 var Ólafur markahæsti leikmaður Íslendinga.
- Á EM 2004 var Ólafur markahæsti leikmaður Íslendinga.
- Á ÓL 2004 var Ólafur markahæsti leikmaður Íslendinga.
- Á HM 2005 var Ólafur markahæstur Íslendinga og bar fyrirliðabandið sem hann tók við af Degi Sigurðssyni.
[breyta] Verðlaun og viðurkenningar
- Íþróttamaður ársins 2002, 2003
- Markahæsti leikmaðurinn á Evrópumeistaramótinu 2002
- Markahæsti leikmaðurinn í sögu Magdeburg
- Markahæsti leikmaðurinn hjá Ciudad Real 2003-2004
- Valinn í Úrvalslið Evrópumeistaramótsins 2002
- Valinn í Úrvalslið Ólympíuleikanna 2004
