Ellý Vilhjálms - Ég veit þú kemur

Ég veit þú kemur er 45-snúninga hljómplata gefin út af SG - hljómplötum árið 1968. Á henni flytur Elly Vilhjálms fjögur lög.

[breyta] Lagalisti

Ég veit þú kemur í kvöld til mín

þótt kveðjan væri stutt í gær.

Ég trúi ekki á orðin þín,

ef annað segja stjörnur tvær.

Og þá mun allt verða eins og var

sko áður en þú veist, þú veist.

Og þetta eina sem útaf bar

okkar á milli í friði leyst.

Og seinna, þegar tunglið hefur tölt um langan veg,

þá tölum við um drauminn sem við elskum, þú og ég.

Ég veit þú kemur í kvöld til mín

þótt kveðjan væri stutt í gær.

Ég trúi ekki á orðin þín,

ef annað segja stjörnur tvær.

	Á þessa hljómplötu hefur verið safnað saman fjórum vinsœlustu lögunum af fjórum öðrum hljómplötum, sem allar hafa verið ófáanlegar um langt skeið. Ber þar fyrst að telja lagið Lítill fugl eftir Sigfús Halldórsson við ljóð Arnar Arnarsonar. Það má eiginlega segja, að þetta lag hafi orðið til þess að vekja athygli á Elly Vilhjálms fyrir frábœran söng. Síðan kemur hið fallega lag Oddgeirs Kristjánssonar við texta Ása í Bæ, Ég veit þú kemur. Þetta lag var á sínum tíma gefið út á hliómplötu í mjög litlu upplagi, en þó nógu stóru til þess, að hinn ágœti söngur Ellyar gerði lagið vinsœlt. Þá kemur Brúðkaupið, sem er erlent lag með texta eftir Árelíus Nielsson. Þetta lag söng Elly inn á hljómplötu snemma á árinu 1965 og hefur engin hljómplata selzt í eins stóru upplagi hér á landi, enda varð lagið gífurlega vinsœlt. Síðar á sama ári söng hún svo Heyr mína bæn á hljómplötu, en það lag er jafnvel enn betra en Brúðkaupið og er það sennilega eitt allra vinsœlasta lag Ellyar, því að ennþá heyrist það af og til í óskalagaþáttum útvarpsins. Lagið er erlent en textinn eftir Ólaf Gauk.
	— Svavar Gests