Æðsti ráðherra Skotlands

Úr Wikipediu, frjálsa alfræðiritinu
Stökkva á: flakk, leita

Æðsti ráðherra Skotlands (enska: First Minister of Scotland, gelíska: Prìomh Mhinistear na h-Alba, skoska: Heid Meinister o Scotland) er pólitískur leiðtogi Skotlands og stjórnandi Skosku ríkisstjórnarinnar. Æðsti ráðherrann sér um myndun, þróun og kynningu stefnu Skosku ríkisstjórnarinnar. Auk þess er hann fulltrúi Skotlands innan Bretlands og erlendis og ber ábyrgð á stjórnskipulegum málum varðandi valddreifingu og Skosku ríkisstjórnina.

Æðsti ráðherrann er skoskur þingmaður og kosinn af Skoska þinginu áður en hann er tilnefndur af drottningunni. Æðsti ráðherran skipar aðra ráðherra í embætti. Sem leiðtogi Skosku ríkisstjórnarinnar stendur æðsti ráðherran Skoska þinginu reikningsskil gjörða sinna.

Alex Salmond var kosinn í stöðu æðsta ráðherra 16. maí 2007 og var svarinn í embætti daginn eftir. Þann 7. nóvember 2012 varð hann sá æðsti ráðherra sem hafði verið í embætti lengst af öllum, eða í 2.002 daga. Þetta var einum degi lengur en fyrirrennari hans Jack McConnell. Núverandi æðsti ráðherra Skotlands er Nicola Sturgeon, en hún tók við af Alex Salmond þegar hann sagði af sér eftir ósigur hans í þjóðaratkvæðagreiðslunni um sjálfstæði árið 2014.

Listi yfir æðstu ráðherra[breyta | breyta frumkóða]

Heiti Mynd Tók við embætti Hætti í embætti Flokkur
1. Donald Dewar Donald Dewar.jpg 7. maí 1999 11. október 2000 Verkamannaflokkurinn
Til
bráðabirgða
Jim Wallace Jim Wallace.jpg 11. október 2000 26. október 2000 Frjálslyndir demókratar
2. Henry McLeish Henry Mcleish.jpg 27. október 2000 8. nóvember 2001 Verkamannaflokkurinn
Til
bráðabirgða
Jim Wallace Jim Wallace.jpg 8. nóvember 2001 22. nóvember 2001 Frjálslyndir demókratar
3. Jack McConnell Jack McConnell.jpg 22. nóvember 2001 16. maí 2007 Verkamannaflokkurinn
4. Alex Salmond Alex Salmond, First Minister of Scotland.jpg 16. maí 2007 19. nóvember 2014 Skoski þjóðarflokkurinn
5. Nicola Sturgeon Nicola Sturgeon 2.jpg 19. nóvember 2014 enn í embaetti Skoski þjóðarflokkurinn