Ásbrú

Úr Wikipediu, frjálsa alfræðiritinu
Stökkva á: flakk, leita

Ásbrú er nýtt nafn á þá uppbyggingu sem hefur átt sér stað á fyrrum varnarsvæði Nató við Keflavíkurflugvöll á Miðnesheiði. Ásbrú er innan bæjarmarka Reykjanesbæjar. Á svæðinu starfar meðal annars Keilir Miðstöð vísinda, fræða og atvinnulífs.

Saga[breyta]

Í október árið 2006 yfirgaf bandaríski herinn fyrir fullt og allt varnarstöð sína við Keflavíkurflugvöll eftir tæplega 60 ára dvöl á Miðnesheiði. Þegar mest var, þá bjuggu 5.700 íbúar á stöðinni og taldist hún eitt stærsta byggðalag landsins. Varnarstöðin var langstærsti vinnuveitandi á Reykjanesskaga til margra áratuga og hafði gríðarleg áhrif á alla menningu á svæðinu.

Þegar herinn fór þá var lögð fram áætlun um fá, markviss verkefni, sem áttu að skapa virði fyrir svæðið sem fyrst. Sérstakt félag, Þróunarfélag Keflavíkurflugvallar ehf., eða Kadeco, var stofnað til að koma varnarstöðinni í borgaraleg not.[1]

Fyrstu skrefin voru að Keilir, miðstöð vísinda, fræða og atvinnulífs, var stofnaður vorið 2007[2] en að stofnun Keilis kom Háskóli Íslands auk einkafyrirtækja.

Fyrirtækið Háskólavellir keypti árið 2008 stóran hluta íbúðahúsnæðis á svæðinu til þess að byggja upp háskólagarða fyrir námsfólk.[3] Í dag búa um 1.700 manns í þessum háskólagörðum.[4]


Tengt efni[breyta]

Neðanmálsgreinar[breyta]

Tenglar[breyta]