Árni Tryggvason

Árni á hljómplötu árið 1971.

Árni Baldvin Tryggvason (f. 19. janúar 1924 í Syðri-Vík á Árskógsströnd, d. 13. apríl 2023) var íslenskur leikari. Hann er faðir leikarans Arnar Árnasonar.

Árni var fastráðinn leikari hjá Leikfélagi Reykjavíkur á árunum 1947 til 1961 og við Þjóðleikhúsið 1961 til 1991. Eftir það lék hann í sýningum í Þjóðleikhúsinu, Borgarleikhúsinu og Loftkastalanum.

Eitt eftirminnilegasta hlutverk hans var Lilli Klifurmús, í uppsetningu Þjóðleikhússins á Dýrunum í Hálsaskógi.

Hann gaf út tvær plötur, árin 1971 og 1992.

Árni hlaut heiðursverðlaun Leiklistarsambands Íslands fyrir frábært ævistarf í þágu leiklistar árið 2010.

Árni stundaði veiðar á trillu frá Reykjavík og Hrísey á sumrin.

Ævisagan Lífróður Árna Tryggvasonar leikara, kom út 1991.

Árni greindist með þunglyndi árið 2008.

Hann lést árið 2023, 99 að aldri. Kona hans, Kristín Nikulásdóttir, lést ári áður.

Ferill í kvikmyndum og sjónvarpsþáttum

Ár	Kvikmynd/Þáttur	Hlutverk	Athugasemdir og verðlaun
1969	Áramótaskaupið 1969
1974	Áramótaskaupið 1974
1975	Áramótaskaupið 1975
1979	Áramótaskaupið 1979
1983	Húsið
	Áramótaskaupið 1983
1984	Atómstöðin	Organisti
1994	Skýjahöllin	Bóndi
1995	Agnes	Mogensen
1996	Djöflaeyjan	Afi
1998	Dansinn	Pétur sem þulur
	Áramótaskaupið 1998
1999	Áramótaskaupið 1999
2000	Óskabörn þjóðarinnar
2004	Dís	Gaui
2006	Áramótaskaupið 2006
2007	Áramótaskaupið 2007	Bóndi

Tenglar

• Árni Tryggvason á Internet Movie Database

Heimildir

  Þetta æviágrip sem tengist leikurum og Íslandi er stubbur. Þú getur hjálpað til með því að bæta við greinina.