Árni Þór Sigurðsson
| Árni Þór Sigurðsson (ÁÞS) | |
 |
|
| Fæðingardagur: | 30. júlí 1960 (51 árs) |
| Fæðingarstaður: | Reykjavík |
| 9. þingmaður Reykjavíkurkjördæmis norður | |
| Flokkur: |  Vinstrihreyfingin – grænt framboð |
| Nefndir: | Allsherjarnefnd, efnahags- og skattanefnd, samgöngunefnd, utanríkismálanefnd og Íslandsdeild þingmannanefndar EFTA |
| Þingsetutímabil | |
| 2007-2009 | í Reykv. n. fyrir Vg. |
| 2009- | í Reykv. n. fyrir Vg. ✽ |
| ✽ = stjórnarsinni | |
| Tenglar | |
| Æviágrip á vef Alþingis – Vefsíða | |
Árni Þór Sigurðsson (f. 1960 í Reykjavík) er íslenskur stjórnmálamaður og alþingismaður. Hann ólst upp í Reykjavík faðir: Sigurður Kristófer Árnason, móðir: Þorbjörg Friðriksdóttir. Árni á 4 fjóra bræður þá Friðrik Sigurðsson (1957), Steinar Sigurðsson(1958),Þórhall Sigurðsson (1964)og Sigurð Pál Sigurðsson (1968). Árni lauk stúdents prófi við Menntaskólann í Hamrahlíð, Árni lauk cand.mag. prófi í hagfræði og málvísindum frá Oslóarháskóla og stundaði framhaldsnám í háskólunum í Stokkhólmi og Moskvu. Hann starfaði að námi loknu við fjölmiðla, m.a. við Ríkisútvarpið og Þjóðviljann en síðan um árabil við kjara- og félagsmál hjá Kennarasambandi Íslands.
Árni Þór var kjörinn alþingismaður í Alþingiskosningunum 12. maí 2007 og er þingmaður Reykjavíkurkjördæmis norður. Hann á sæti í samgöngunefnd og umhverfisnefnd Alþingis og einnig í þingmannanefnd EFTA.
Árni Þór hefur langa reynslu af sveitarstjórnarmálum sem borgarfulltrúi í Reykjavík og stjórnarmaður í Sambandi íslenskra sveitarfélaga og var forseti borgarstjórnar Reykjavíkur 2002-2007. Hann hefur stýrt mikilvægum málaflokkum á vettvangi borgarstjórnar, s.s. leikskólamálum, skipulagsmálum og umhverfismálum. Þá hefur hann víðtæka reynslu af alþjóðasamstarfi á sviði sveitarstjórnarmála.
Árni Þór er kvæntur Sigurbjörgu Þorsteinsdóttur ónæmisfræðingi og eiga þau þrjú börn, Sigurð Kára (1986), Arnbjörgu Soffíu (1990) og Ragnar Auðun (1994).
